JW subtitle extractor

E Biblia kodi phenel po Del,
ke voj shunel amaro rudyimo.
Vi kodo shunel,
kana anda amende rudyinas.
Sar shaj avel kadi?
O Del na feri o rudyimo shunel,
de lestar avel vi o trajo.
Pinzharel amari godyi,
ke voj kerdasla.
Anda kadi,
zhanel te dikhel amare gindura,
thaj vi kodo rudyimo shunel,
so chi phenas avri.
O Jehova Del grizhil pe tu,
naj gindo kaj trajis pe phuv.
Ke voj sako shiba hatyarel.
De sako rudyimo shunel?
Phenas, si jekh manush kon biknel,
thaj dikhel ke lesko butyari chorel.
Kana angle lel les,
o butyari tele xoxavel o choripe,
thaj pala kodo avri kamel te vorbil pe.
O manush shunel kadal xoxamne vorbi,
de chi patyal lenge.
Chi o Del chi shunel sako rudyimo.
De so si atunchi,
kana varikon anda peski bax rudyil?
Vaj kana jekh rom marel peska romnya,
thaj kaver dyes pale mangel le Devlesko aldashi?
So si atunchi,
kana le ketani kodo mangen kathar o Del,
te zhutil len, te mudaren le kaver ketanen,
de vi pe kaver rig
kodo mangen kathar o Del?
O Del shunel kasavo rudyimo?
Chachoj, ke le Devleske chi fajil kodo rudyimo,
so naj patyivale ande leske jakha.
De andar pesko jilo shunel o rudyimo
– vi atunchi kana nasul kerdan –,
te kames anda tyo chacho jilo
majpashal te zhas karing leste,
rode les, te kames te jertil tuke.
Ova, o Del shunel kodolengo rudyimo,
kon roden leski voja.
De sar te rudyis?
Sostar si mishto tuke,
pashal te aves karing o Del?
Pe kadal pushajimata del palpale vorba
e Lashi vorba kathar o Del irka 12. kotor.
E irka tele shaj kides po jw.org rig.
Le Jehovaske Chache Manusha
losshasa sityon tusa e Biblia.
Te mangesa pe amaro rig,
jekh Jehovasko manush opre rodel tut,
kana tuke lashoj,
thaj shaj sityon andar e Biblia.

Sako rudyimo shunel o Del?