JW subtitle extractor

Te na ô ra te Bibilia no te Atua, “tei faaroo i te pure.”
E faaroo atoa oia i te mau pure i roto i te aau.
E nafea ïa?
O tei faaroo i te pure o to tatou ïa Atua poiete.
E taa ia ’na i ta tatou mau haaraa.
Na ’na hoi i poiete ia tatou.
E nehenehe oia e ite i to tatou mana‘o e e faaroo i te mau pure i roto i te aau.
Te tâu‘a mau ra Iehova ia tatou.
Noa ’tu ihea tatou e ora ai,
te reo ta tatou e paraparau,
e taa ia ’na.
E farii anei râ oia i te mau pure atoa?
A feruri na i te hoê paoti tei ite i ta ’na rave ohipa te eiâ ra.
Parau atura te paoti, haavare mai nei te rave ohipa e faataa a‘era eaha te tumu oia i eiâ ai.
A faaroo noa ’i
aita te paoti i farii i te tatarahapa a te rave ohipa.
Oia atoa,
eita te Atua e farii i te mau pure atoa.
Ei hi‘oraa,
ia pure te hoê ma te haapao noa ia ’na iho?
E ia rave ino te hoê tane i ta ’na vahine,
a ani atu ai i muri iho i te farii maitai a te Atua?
E ia pure te mau faehau ia haamouhia to ratou mau enemi,
e hoê â atoa pure no te pǔpǔ enemi?
E farii anei te Atua i taua pure ra?
Eita roa te Atua e mauruuru i te mau pure o te ore e tuati ra i to ’na hinaaro.
E farii te Atua i ta outou pure noa ’tu te ino ta outou i rave,
ia hinaaro mau iho â outou e faafatata ’tu ia ’na
e imi outou i to ’na paari e hamani maitai.
E faaroo te Atua i te pure a te feia e tutava nei i te faaoaoa ia ’na.
E nafea râ ia pure?
Eaha te maitai ia faafatata ’tu i te Atua?
E pahonohia teie mau uiraa i te haapiiraa 12 o te buka rairai Parau apî oaoa a te Atua.
Ta oe e nehenehe e rave mai i nia jw.org.
E oaoa roa te mau Ite no Iehova i te haapii i te Bibilia e o oe.
A faaî i te hoê aniraa i nia i ta matou reni.
E haere mai te hoê Ite no Iehova e farerei ia oe i te taime e te vahi ta oe i maiti.

E faaroo anei te Atua i te mau pure atoa?