JW subtitle extractor

Resahini-Baiboly hoe “Mpijanjy vavaky” Ndranahary.
Reny avao ndre tsy mampiboaky feo iha lafa mivavaky.
Nanino ie ro mahavita ani-zay?
Mpamoro ty raha iaby mananay koa Mpijanjy vavaky iny.
Hainy soa ty fomba fiasani-saintsika satria ie ro namoro azy.
Hainy zany ty raha eritseretini-saintsika,
le afaky mijany ty vavakintsika ie
ndre tsy mampiboaky feo tsika.
Tena tea anao Jehovah Ndranahary
ndre aia ndre aia ty misy anao.
Azony avao ty resakinao
ndre ino ndre ino ty fivolananao.
Fe maneky na mijanjy ty vavaky iaby va Ndranahary?
Eritsereto hoe misy sefo raiky
mahita mpiasa mangalatsy.
Manontany azy sefo iny,
fe mavandy mikasiky raha nagalariny iny mpiasa iny
sady miezaky manamarin-tena amy raha nataony iny.
Ndre maharè ani-vandini-mpiasa iny sefo iny,
le tsy haneky ty raha volaniny.
Mitovy amy zay koa fa
tsy maneky ty kila vavaky iaby Ndranahary.
Akory ohatsy laha fitiavan-tena
ro manosiky ty olo raiky hivavaky?
Akory laha misy lahilahy mampijaly valy,
bakeo mivavaky mba hotahì-Ndranahary?
Akory laha misy maramila mivavaky
mba handresy ty fahavalony,
le mivavaky ho zay koa fahavalon-drozy rey?
Ho janjini-Ndranahary va ty vavaky ho zay?
Mazava ho azy fa tsy hekè-Ndranahary
ty vavaky mifanohitsy amy ty torolalany.
Fe ndre nanao raha tsy mety iha,
le parè hijanjy ty vavakinao avao Ndranahary
laha miezaky hihariny azy iha
noho mila ty fahendreany voho ty famindram-pony.
Tena mijanjy ty vavakin’olo miezaky mafy mba hampifalifaly azy ie.
Fe ino iaby ro mila atao lafa mivavaky?
Ino ty raha soa azonao lafa mamonjy a Ndranahary?
Mamaly ani-fanontanea reo ty fianara faha-12
amy bokikely hoe Vaovao Soa Baka amy Ndranahary!
Azonao alà amy jw.org ao bokikely io.
Ho falifaly hiaraky mianatsy Baiboly
aminao ty Vavolombeloni-Jehovah.
Fenò ty fangataha hianatsy Baiboly amy Internet ao,
le hisy Vavolombeloni-Jehovah hitsidiky anao
amy fotoa noho pilasy mety aminao.
.

Janjini-Ndranahary va Lafa Atao Vavaky?