JW subtitle extractor

Saashin tü Wiwüliakat,
nia Maleiwa chi
«Aapajakai sünüiki wayuu suʼuraajapa».
Naapüin Maleiwa wanüiki,
jaʼitaina woʼuraajüin suluʼu waaʼin.
¿Jamüsü sukuwaʼipa tia nutuma?
Süka nukumalain waya Maleiwa,
nütüjaa aaʼu tü suluʼukat waaʼin
otta tü suluʼukat wekii.
Niʼraajashaanain tü wakuwaʼipakat.
Jee naapüin wanüiki woʼuraajapa nümüin,
jaʼitaina woʼuraajüin suluʼu waaʼin.
Nümüliajüin waya Maleiwa.
Jaʼitaina jalejeʼewalin waya
jee naatale tü wanüikikat,
niyaawata aaʼu tü wamakat.
¿Naapüinche sünüiki süpüshuaʼa wayuu suʼuraajapa?
Jülüjataa paaʼin niʼrüin wanee laama
nuʼluwajüin nneerü chi aʼyataakai nümüin.
Shiasaʼa naashajaapa nümaa,
aküjashi naʼalain chia wayuukai nümüin
otta aattajaashi saaʼu nuʼluwala.
Mayaapejeʼe naapajüin nünüiki chi aʼluwajüshikai,
mojushiisü nümüin süpüshuaʼa tü nümakat.
Akaataajaʼa chi Maleiwakai,
eesü mojushiire nümüin nanüiki waneinnua wayuu.
¿Naapeetche nünüiki wanee wayuu kapülakai
aaʼin nukuwaʼipa neʼe nümüiwaʼa?
Müliale saaʼin nuʼwayuuse wanee wayuu nutuma,
¿naapeetche Maleiwa nünüiki nuchuntapa nümüin?
Eeshii surulaat achuntaka nümüin Maleiwa
süpüla noʼutuinjanain naaʼin na neʼipolokona.
Akaataajaʼa neʼe na neʼipolokona
achuntushii nümüin Maleiwa.
¿Naapüinche Maleiwa nanüiki?
Nnojotsü naapüin Maleiwa nanüiki
na wayuu achuntakana wanee kasa mojuka noʼuluʼu.
Naapajeerüinjaʼa Maleiwa wanüiki
wachuntule kaalinwaa nümüin.
Ayaawajaainjanapejeʼe waya suulia waainjala.
Naapajeerü wanüiki müleka warütkaale nünainmüin.
Naapajüin Maleiwa nanüiki
na wayuu achajaakana sukuwaʼipa
süpüla naaʼinrüin tü nüchekakat napüleerua.
Aküjünüsü tia suluʼu tü karaloʼutakat
Pütchi anasü nutuma Maleiwa,
ekirajaaya 12,
püdescargaaja shia suluʼujee jw.org.
Nekirajeechi pia
na aküjaliikana pütchi nüchiki Jeʼwaa.
Puchunta ekirajawaa sünain tü Wiwüliakat,
pipiraja tü yaakat suluʼu Internet.
Ekirajüneechi pia eere anain saaʼin pümüin
soʼu tü oora püchekakat.

¿Naapüinche Maleiwa sünüiki süpüshua’a wayuu su’uraajapa?