JW subtitle extractor

Tout moun ka santi yo tris tanzantan.
E ou menm?
Pafwa,
ou konn rezon ki fè w santi w tris la,
men gen moman
ou pa konn poukisa.
Menm lè w pa fin wè
rezon ki fè w tris la,
ki sa w ka fè
lè w santi tristès ap anvayi w?
Premyèman,
chèche yon moun
pou w fè konnen sa w santi
tankou yon paran
oubyen yon bon zanmi.
Jòb,
yon sèvitè Bondye nan tan lontan
t ap soufri anpil
e nan moman sa a li te di:
“Mwen pral pale
paske m nan gwo soufrans!”
Lè gen yon moun
ki konnen jan w santi w,
li ka pote w sekou
pou l ede w soti nan tristès ou ye a.
Men yon lòt ide:
Sa w panse
si w ta ekri sa w santi yo?
Nan Pwovèb 3:21, Bib la di:
“Toujou bat pou w gen sajès
e pou w aprann reflechi.”
Paske lè w ekri sa w santi yo
sa ka ede w pi byen konprann
poukisa w santi w konsa.
Lè sa a,
santiman tristès ou genyen an
ka vin gen mwens efè sou ou.
Men yon twazyèm konsèy:
Bib la fè konnen
si w priye sou sa w santi yo,
“lapè Bondye,
ki depase tout sa moun ka konprann,
ap pwoteje kè [w]
ak lespri [w]”.
Donk,
pa bliye priye.
Yon lòt bagay ki ka ede w anpil
se lè w li Bib la,
sitou liv Sòm nan.
Lè w bat pou w toujou reflechi
sou panse pozitif ki nan Bib la,
sa ka ede w santi w pi byen.
Men,
e si tristès la pa vle ale?
E si w pèdi gou pou tout bagay
ou te renmen fè anvan yo?
E si w pèdi apeti,
ou gen pwoblèm pou w dòmi
e w toujou santi w
pa vo anyen?
E si bagay sa yo
ap pèsiste?
Sa w panse si w ta pale
ak paran w sou sa
pou yo ta mennen w kay doktè?
Yon doktè w ka egzamine w
pou l wè si se yon pwoblèm sante,
tankou depresyon,
ki lakòz ou tris konsa.
Si se depresyon w fè,
ou pa bezwen santi w wont pou sa.
Grasa tretman medikal yo,
anpil moun vin santi yo pi byen,
e pafwa sa fè lontan
depi yo pa t santi yo byen konsa.
Donk, kit se depresyon
ki lakòz ou santi w tris konsa
kit se yon lòt bagay,
grasa èd lòt moun
e grasa efò w fè,
ou ka soti
nan twou nwa sa a.
Pa bliye,
santiman w genyen yo
pa la pou toutan,
y ap pase.
E si w aprann jere yo
depi kounye a,
w ap pi byen kapab jere yo
lè w vin gran.
Lè w pran pwoblèm yo
yon jou alafwa
e lè w konte sou èd paran w yo
ak bon zanmi,
ou ka vin gen kè kontan ankò.

Sa w ka fè si w santi w tris