JW subtitle extractor

E kue na mbeni ngoi vundu ayeke sara e.
Mo kue?
Parfois, mo hinga raison ni;
parfois mo hinga raison ni ape.
Me même si na bango ni
mbeni raison ayeke dä tongaso ape,
nyen la mo peut ti sara
tongana vundu ahon ndö ti mo mingi?
Kozoni, causé na mbeni zo na ndö ni,
a peut ti duti babâ wala mama ti mo,
wala mbeni kota kamarade ti mo.
Na temps so Job ayeke bâ lani pasi ngangu,
lo tene:
“Na yâ ti kota vundu ti mbi,
mbi yeke sara tënë!”
Tongana mbeni zo ahinga
vundu so ayeke na yâ ti bê ti mo,
lo peut ti sara mbeni ye
ti tene mo sentir terê ti mo nzoni.
Use ye ni:
Mû mbeni mbeti
et puis mo sara ye so mo sentir na lê ni.
Na aProverbe 3:21,
Bible atene na e ti ‘bata ndara ti sara ye ti nzoni,
nga na kode so e yeke na ni ti gbu li nzoni.’
Tongana mo sara atënë ti bê ti mo na lê ti mbeti,
mo yeke sara ye so Bible ahunda so.
Tongana a yeke na lê ti mbeti,
mo peut ti hinga pourquoi
mo sentir terê ti mo tongaso,
na vundu ti mo ni apeut ti diminué.
Ota ye ni:
Bible atene so
tongana mo fa agingo bê ti mo na Nzapa
na yâ ti sambela,
‘fade siriri ti Nzapa so ahon ndö ti bibe kue
ayeke bata bê ti mo
nga na bibe ti mo.’
Donc, grisa ti sambela ape.
Mbeni ye so apeut nga ti aidé mo mingi
ayeke dikongo Bible,
mbilimbili mbeti ti Psaume.
Tongana yâ ti li ti mo asi na anzoni tënë
so ayeke na yâ ti Bible,
a peut ti sara si mo sentir terê ti mo nzoni.
Ka nyen la mo peut ti sara
tongana vundu ni ake ti hon?
tongana nzara ti sarango aye so
mo ye ka ti sara asigi na yâ ti mo?
tongana mo perdre appétit,
mo yeke lango nzoni ape
wala mo bâ so
zo oko ayeke pensé nga na mo ape?
Tongana aye ni so angbâ ti ninga,
tene na babâ na mama ti mo
ti tene mo gue bâ mbeni docteur.
Docteur ni ayeke bâ wala
vundu ti mo ni aga tongana kobela.
Tongana vundu ni aga tongana kobela,
il faut kamene asara mo ndali ni ape.
Mingi ti azo so mara ti ye ni so asi na ala
awara lege ti sentir terê ti ala nzoni
na peko ti so ala suivre ambeni traitement.
Ti ambeni,
a ninga ala sentir terê ti ala bien tongaso ape.
Donc,
même si vundu ti mo ni ayeke tongana nyen,
tongana azo a-aidé mo nga mo sara effort,
mo peut ti kiri ti duti na ngia.
Grisa ape,
vundu so ayeke na yâ ti bê ti zo ayeke hon ka;
tongana mo hinga laso ye so mo peut ti sara
tongana vundu asara mo,
ye so ayeke aidé mo ande tongana mo kono.
Tongana lango oko oko
mo pensé gï na akpale ti lango ni,
nga grâce na aide ti babâ na mama ti mo
wala ti akamarade ti mo,
vundu ti mo apeut ti ga ngia.

Tongana nyen ti hon ndö ti vundu na ti komanse ti duti na ngia?