JW subtitle extractor

Michezo ya video
—inaweza kuwa njia yenye
kufurahisha
ya kupitisha muda.
Lakini kama michezo
mingi,
michezo ya video inaweza
kutawala maisha yako
kwa njia ambayo
hungependa.
Kwa mfano,
kwenye
Waefeso 5:15 na 16,
Biblia inatuambia
tutumie vizuri kabisa
wakati wetu.’
Tutuseme unacheza
mchezo wa video
wakati ambapo unapaswa
kuwa umelala,
ni wewe unayeudhibiti
au unakudhibiti?
Kufanya hivyo
kunamaanisha wewe
umeshindwa.
Ukipoteza pesa,
unaweza kuzipata,
lakini ukipoteza wakati
huwezi kuupata tena.
Wakati ni wenye thamani
zaidi kuliko pesa.
Basi usikubali kuibiwa.
Je, pindi fulani unajikuta
ukikosa kula,
ukikosa kufanya
kazi za shule,
au ukikosa kutunza
mwili wako
ili tu ufaulu kusonga
mbele
kwenye hatua zinazofuata
za mchezo wako?
Unaweza kufanya nini ili
hali hiyo isikupate?
Je, mchezo wako wa
video uko chumbani?
Uhamishe ili uweze kulala.
Ni vizuri kujipumzisha,
kwa hiyo,
kwa nini usiache
kucheza kwa juma moja?
Badala ya mchezo
wa video
cheza mchezo mwingine
utakaokulazimisha
ufanye mazoezi.
Na kwa kweli,
unahitaji kufanya
mazoezi kila siku.
Kwenye Mhubiri 3:4,
Biblia inasema
kuna
“wakati wa kucheka”
na
“wakati wa kucheza dansi.”
Kwa hiyo, ni sawa
kutumia muda fulani
kucheza michezo
ya video,
lakini si wakati wote.
Michezo ya video
inaweza
kukuzuia usitambue
lililo sawa
na lililo kosa.
Mungu anamchukia
yeyote “anayependa ukatili.”
Michezo ya video huwa na
mambo mengi ambayo
Biblia inashutumu,
kama vile ukatili,
ngono potovu,
na mambo
yanayohusiana na uchawi.
Mtu anaweza kujitetea
eti ni mchezo tu?
Wazia ikiwa ungefanya kihalisi
mambo ambayo yako
kwenye mchezo wa video.
Ungekuwa mtu wa
aina gani?
Mchezo unaochagua
unaonyesha wewe ni
mtu wa aina gani
na ni mambo gani
unayoona
kuwa ni sawa au si sawa.
Vipi kuhusu kucheza
michezo ya video
kwenye mtandao
huku ukiwa umeunganishwa
na wachezaji wengine?
Je, unawafahamu
unaocheza nao?
Huenda mchezo huo
ukakuunganisha
na watu wabaya.
Ni muhimu kuchunguza
jinsi
michezo inavyokuathiri.
Tumejifunza nini?
Kucheza michezo
ya video
kunaweza kuburudisha.
Lakini usiruhusu michezo
ikuibie wakati
au uwezo wako
wa kutambua lililo sawa
na lililo kosa.
Badala ya kujaribu
kushinda katika mchezo,
tumia wakati na nguvu zako
kuwa mshindi katika
maisha halisi.

Michezo ya Video: Je, Kweli Wewe Ndiye Mshindi?