JW subtitle extractor

Te hauti video!
E faaanaanataeraa au mau tera.
Ia ore râ oe e haapao, e pau to oe taime e na te hauti video e faatere mai!
Te parau ra hoi te Ephesia pene 5 irava 15 e 16
a “faaohipa maitai i to outou taime.”
Ia ara noa oe i te po no te hauti video,
o vai te faatere ra?
Oe aore ra te hauti video?
E o vai ïa tei pau?
A feruri na:
Ia mo‘e ta oe moni
e nehenehe te reira e ite-faahou-hia mai.
Te taime râ aita!
Mea faufaa a‘e te taime i te moni!
A faaohipa maitai ïa i te reira!
Eita paha oe e haapao i ta oe e amu,
e rave i ta oe mau ohipa haapiiraa
e e tâu‘a ia oe no tera hauti video?
Eaha ïa te titauhia ia rave no te ore e na reira?
Tei roto ana‘e te reira i to oe piha
a tuu atu i rapae.
E nehenehe ïa oe e taoto maitai!
Mea au atoa ia faataime i te hauti,
peneia‘e no te hoê hebedoma.
A haere na rapae e tue rii maa popo!
Mea maitai hoi ia hautiuti i to oe tino pauroa te mahana!
Te parau ra te Koheleta pene 3 irava 4,
“e taime to te ata” e “e taime to te ori.”
Eita e opanihia ia hauti,
eiaha râ pauroa te taime!
E ohipa atoa te hauti video i nia i to tatou feruriraa
a ore ai e ite faahou i te maitai e te ino!
Mea riri roa na Iehova te feia ino!
Mea rahi te hauti video o te faatietie ra i te taparahiraa taata,
te peu faufau
e te peu tahutahu.
E hauti noa anei?
A feruri na!
Te rave ra oe i te reira i roto i te oraraa mau,
eaha ïa to oe huru?
Na roto i ta oe e maiti i te hauti,
e ite-atoa-hia ’i to oe huru mau!
E ia hauti oe na muri i te tahi atu?
Ua ite mau anei oe o vai to muri?
E nehenehe paha oe e topa i nia i te feia ino!
Mea faufaa ïa ia haapao maitai!
E faaanaanataeraa au mau te hauti video.
Eiaha râ e vaiiho i te reira ia faatere ia oe,
ia haapau rahi i to oe taime
e ia ohipa i nia i to oe feruriraa!
A faaohipa râ i tera taime e puai
ia manuïa oe i roto i to oe oraraa!

Te hauti video: O vai te faatere ra?