JW subtitle extractor

Ashaitaa videojuego.
Eesü anashaatale maʼin shia,
jee anale walatüle kaʼi sünain.
Eejüinjatpejeʼe paaʼin suulia
kiʼrain pia sünain ashaitaa waneepia.
Saashin Éfeso 5:15 otta 16,
wajayatüinjatü tü kaʼikat.
¿Matunküinreesai pia
sutuma püshaitüin waneepia?
Mülejeʼe shia, kiʼraichipa pia sünain.
Amülouishi pia süchiki.
Amülouire pünneetse,
eesü süpüla keeʼirakain shia mapa.
Matüjainpejeʼe keeʼiraka tü kaʼikat.
Alanaʼaleesia sujutu tü kaʼikat
suulia tü nneetkat.
Amüloujaʼaya shia putuma
sünain ashaitaa.
Eeshi meküinre pia,
nnojorüle paaʼinjüin pütareease
jee meisarale pia sutuma
pükanajeein maʼin sünain tü püshaitakat,
¿kasa paaʼinrajatka suulia
sülatajüin pümüin tia?
Suluʼule putunküle
tü püshaitakalü aka,
pülate’era shia yalejeechiki
süpüla putunkajachin.
Anashi peemeraale suulia ashaitaa,
puuʼulaka nnojoluin püshaitüin soʼu wanee semaana.
Jee shiale püshaitüin woola
süpüla paainjainjachin ejercicio.
Paainja ejercicio waneepia.
Shia anaka tia.
Saashin Eclesiastés 3:4,
eesü kaʼi süpüla asirajaa
otta süpüla ayonnojoo.
Anasü nüshaitüle wanee wayuu
sünain videojuego.
Nnojoluinjachipaja’a nia waneepian sünain.
Eesü waneirua kasa mojuka
sünain washaitüin waneepia.
Eesü anajüle pümüin aa’inraa
kasa mojusü sutuma.
Saashin tü Wiwüliakat,
üttüsü naaʼin Jeʼwaa noo’omüin
na wayuu mojulaakana.
Eesü videojuego sünainpünaaka
kasa mojusü,
ma’aka saaʼin atkawaa,
amaʼüjirawaa otta
tü sukuwaʼipamaajatkat yolujaa.
¿Ashaitaache neʼe shia?
Jülüjataa paaʼin pialeje
aaʼinrüin tü püshaitakalü anain.
¿Jamüsüje’e sünüiki wayuu püchiki?
Sükajee tü videojuego püshaitakat,
atüjaaneerü aaʼu kamalainre
pümüin tü kasa anasükat
jee shiale tü kasa mojusükat.
Jama püshaitüle sümaa waneirua
wayuu suluʼupünaa Internet.
¿Piʼraajüinche nakuwaʼipa
na püshaitakana amaa?
Eeshi süpüla püshaitüin ne’e
sümaa wayuu mojukalü akuwaʼipa.
Püshaitüinjachire videojuego,
laülaa paaʼin.
Eesü anashaatale maʼin
ashaitaa videojuego.
Eejüinjatpejeʼe paaʼin suulia amüloulin
kaʼi putuma sünain ashaitaa
otta anajüin pümüin aainjaa
kasa mojusü sutuma.
Suulia paaʼinmaain
tü ashaitaakat waneepia,
piʼyataa maʼin sünain wanee
kasa aneetka atuma pukuwaʼipa.

Ashaitaa videojuego, ¿ashaitaache neʼe shia?