JW subtitle extractor

?Yu yu kasem vaeras ya?
Mi no stap tokbaot
vaeras blong wan sik.
Be, mi stap tokbaot wan fasin
we i olsem wan vaeras
we i stap spolem ol man longtaem finis.
Hemia wan fasin we
evriwan i save gat,
fasin blong no laekem narafala.
?Fasin blong no laekem narafala?
?Mi?
!No!
Mi mi oraet nomo.
Mi mi laekem olgeta defren kaen man.
Blong talem stret,
yumi evriwan
i save gat fasin ya
blong no laekem narafala.
Be samtaem, i had blong yumi wanwan
i luksave samting ya.
So,
?Wanem ya fasin blong
no laekem narafala?
Blong winim,
fastaem yumi mas kasemsave se
i minim wanem.
Fasin blong no laekem narafala
i minim se
yu jajem wan man se
hem i gud o i nogud
nating se yu no save hem.
Yumi save soemaot fasin ya
mo iven tritim nogud olgeta.
Maet from yia blong olgeta,
kantri blong olgeta,
oli luk olsem wanem,
hamas mane oli gat
o maet sam narafala samting we
i mekem oli defren long yumi.
Fasin ya blong jajem narafala
folem wanem we yumi luk nomo
hemia i no stret nating.
Hemia i olsem we yu no
laekem wan kakae
nating se yu no testem yet.
Fasin ya blong no laekem narafala
i minim tu se yumi mekem
i gud long samfala nomo.
Mo hemia i mekem se yumi
ting se yumi gud moa
long olgeta we oli defren.
Be, hemia i wan denja ya.
Baebol i talem long
Ol Proveb 16:18 se:
“Man we tingting blong hem i antap tumas,
i no longtaem bambae hem i foldaon.”
Sipos yumi praod,
hemia i save blokem yumi
blong gat ol gudfala fren.
Mo bae yumi no glad long laef.
Sipos yu luksave se yu gat fasin ya,
?bae yu mekem wanem?
Folem ol step ya:
Savegud ol man raonabaot long yu.
?Wanem ol ekspiriens blong olgeta?
?Wanem ol skil blong olgeta?
Taem yu luksave ol gudfala
fasin blong ol narafala,
hemia bae i save halpem yu
blong winim fasin ya blong
no laekem narafala.
Nekis step:
Traem lukluk gud ol fren blong yu.
?Oli gat ol tingting o ol fasin
we oli olsem blong yu?
Sipos i olsem,
Yu save folem advaes long
2 Korin 6:13 we i se:
‘Openem hat moa.’
So, fren wetem olgeta
we oli defren long yu.
Be sipos yu faenemaot se
sam long olgeta oli stap
mekem ol rabis fasin,
?bae yu mekem wanem?
!Stap longwe long olgeta!
Ol rabis fasin blong olgeta
i save spolem ol fasin blong yu.
Long wol ya,
fasin ya blong no laekem narafala,
i stap long evri ples.
Be yumi save blokem blong i
no kontrolem tingting blong yumi.
Yumi save winim fasin ya sipos
Yumi blokem nogud tingting
we yumi gat long narafala
we yumi no save olgeta yet,
yumi traehad blong savegud olgeta
mo fren wetem olgeta
we oli defren long yumi.
Moa we yumi savegud ol
man raonabaot long yumi,
moa we yumi laekem ol samting
we oli mekem yumi defren.

?Wanem Ya Fasin Blong No Laekem Narafala?