JW subtitle extractor

I tru, yu bisi we.
Yu mas spenem taem wetem ol fren,
go long skul,
mekem homwok,
mo maet yu gat wan wok tu.
So ating yu harem se
yu no gat taem blong klinim rum blong yu.
Be i gud yumi tokbaot tri risen
from wanem i impoten blong stap klin.
Faswan, yu soemaot se yu respektem ol narafala.
Nambatu, hemia i mekem yu wan yu harem gud.
Mo nambatri, hemia i save mekem laef blong yu
i kam isi moa mo yu no stres tumas.
?So olsem wanem blong stap klin?
Stat wetem ol isi samting.
Wasem han blong yu oltaem,
speseli bifo we yu kakae
mo afta we yu go long toelet.
Hemia bambae i kilim ol jem
mo mekem se yu stap helti.
I gud yu lan blong swim oltaem,
antap moa taem yu mekem eksasaes
o ol strong wok.
No foget blong brasem tut blong yu,
from ol tut blong yu tu oli mas stap klin.
Mo askem papa mama blong tijim yu blong was,
from we taem yu aot long haos
maet bambae yu mas mekem yu wan.
So i impoten blong faenem taem
blong klinim haos blong yu, trak blong yu,
mo eni narafala samting we yu gat.
Baebol i talem se man we i waes
i mekem evri samting “long fasin we i stret
mo i folem plan.”
So i tru, yu bisi.
Be i gud yu faenem taem blong stap klin.

Yu Waes Taem Yu Stap Klin