JW subtitle extractor

Lekòl kapab stresan,
kit ou ale nan lekòl,
kit ou suiv kou lakay ou.
Menm pi bon elèv la gen jou
li pa ta renmen al lekòl.
E menm lè w la nan kou yo,
sa pa vle di lespri w la.
Pa egzanp, èske w ap fè fas
ak gwo strès oswa depresyon?
Èske w menm jan
ak anpil lòt elèv
ki santi yo annuiye lè yo lekòl?
Oswa ou twouve l difisil
pou w konsantre?
Èske w oblije travay
pou w ede fanmi w?
Èske w ap enkyete
pou kesyon brimad
oswa vyolans ki gen nan lekòl?
Pwoblèm sa yo ka dekouraje w.
Ou ka kòmanse rate kou
e ou ka kòmanse pa gen bon nòt.
E plis ou gen move nòt,
li vin pi fasil pou w
panse li t ap pi bon
pou w kite lekòl.
Men, f’on ti tann!
Bib la di:
“Moun ki gen lespri a
veye chak pa l fè.”
Anvan w deside kite lekòl,
reflechi sou fason
lekòl kapab ede w.
Lekòl pa sèlman ede w
vin gen konesans.
Lè w ap aprann, sa fè
sèvo a travay pi byen.
Lefètke w etidye plizyè
sijè nan lekòl,
sa ede w konn ki jan pou w
aprann nouvo bagay.
E w aprann fè yon seri bagay,
tankou li ak ekri,
k ap itil ou pi devan.
Bib la ankouraje nou pou n
travay pou n ‘gen sajès
e pou nou aprann reflechi’.
E lekòl se yon bon kote
pou w aprann konnen
ki jan pou w rezoud pwoblèm
e l ede w aprann konn tèt ou
ak moun ki bò kote w.
Natirèlman, pwoblèm ou
rankontre yo pap annik disparèt.
Men lè w rete lekòl,
ou vin aprann konn
ki jan pou w jere yo.
Ou vin aprann kontwole tèt ou
ak fason pou w bay sa k
gen plis enpòtans priyorite.
Ou ka aprann yon metye,
sa k ap pèmèt ou jwenn
travay lè w fini lekòl.
Si w kite lekòl,
li ka pi difisil pou w
jwenn travay pi devan.
Yon bon fòmasyon
ap pwoteje w tou.
Lè w byen enfòme,
li pi difisil pou moun twonpe w.
Si w jwenn difikilte lekòl,
pa bay vag!
Chèche èd yon moun:
se kapab paran w,
yon moun ki gen
plis eksperyans pase w
oswa yon pwofesè.
Nan peyi kote lalwa pèmèt sa,
gen paran ki chwazi pou pitit yo
ret suiv kou yo lakay yo.
Kèlkeswa kote w pran kou a,
konsantre sou li e
pran detèminasyon
pou w pa bay vag.
Manje manje ki bon pou ou,
fè egzèsis epi dòmi ase.
Lè w an sante, sèvo w
fonksyone pi byen.
Bib la di: “Travay di [...]
gen avantaj.”
W ap pi kontan si w
fè efò pou w fini lekòl.
Lekòl ka ede w dekouvri
epi travay yon seri kapasite
ou pa t janm
konnen w te genyen.
Li aprann ou reflechi
epi rezoud pwoblèm
e li prepare w pou responsablite
ou ka vin genyen
pi devan nan lavi a.

Èske m ta dwe kite lekòl?