JW subtitle extractor

?Bambae Mi Lego Skul?

Video Other languages Share text Share link Show times

Skul i save mekem
tingting blong yu i wari,
nating se yu stap long klas rum
o yu skul nomo long haos.
Ol beswan studen tu,
samtaem oli harem se
oli no wantem go long skul.
Mo nating se yu stap long skul,
be maet tingting blong yu
i stap long defren ples.
Eksampol, ?i gat wan samting we
i mekem se yu wari?
?Yu yu sem mak olsem ol pikinini
we oli harem se skul i boring,
mo i had blong oli putum tingting
long samting we oli stap lanem?
?Famle blong yu i dipen long yu blong
halpem olgeta long saed blong mane?
?O yu yu wari from i gat
ol stronghed long skul?
Ol problem olsem, oli save mekem
tingting blong yu i foldaon.
Nao maet yu stat blong skipim klas,
mo ol mak blong yu oli kam nogud.
Mo taem yu luk se yu no moa
stap kasem ol gudfala mak,
maet yu stat blong
gat tingting ya se,
i moa gud mi
lego skul nomo.
?Be i stret blong mekem olsem?
Baebol i talem se, man we i
waes i tingting gud fastaem
bifo we i mekem wan samting
Taswe, i gud yu tingbaot olsem
wanem skul i save halpem yu.
Ol samting we yu
stap lanem long skul,
oli givhan long yu blong
kasemsave samting
Mo oli givhan tu, blong mekem
bren blong yu i wok gud.
Taem yu stadi long
ol defdefren sabjek,
yu stap trenem bren blong yu
blong i lanem ol niufala samting.
Mo tu, yu save lanem ol samting we
bambae oli givhan long yu long fiuja,
olsem blong
rid mo raet.
Baebol i talem se yumi mas holemgud
waestok we i wok gud,
mo fasin blong
yusum gud tingting.
Skul i save givhan, blong yu save
olsem wanem blong stretem ol problem.
Mo tu bambae yu lanem blong
savegud yu wan, mo ol narafala.
I tru, bambae yu stil fesem
ol problem long laef.
Be skul i save trenem yu,
blong dil wetem ol problem ya.
I trenem yu blong
bos long tingting,
mo i trenem yu blong mekem
ol impoten samting fastaem.
Mo tu, yu save lanem wan skil
we bambae i givhan long yu
blong faenem wan wok.
Sipos yu lego skul naoia,
maet bambae i had blong
yu faenem wan wok long fiuja.
Taem yu gat save, long saed
blong ol defdefren samting,
hemia bambae i mekem i had
blong ol narafala
oli trikim yu.
So sipos yu harem
se skul i had,
yu no mas givap.
I gud yu askem help long
papa mama blong yu,
wan gudfala fren,
o tija blong yu.
Long sam ples,
gavman i letem blong ol pikinini
oli save skul nomo long haos.
Nomata wanem klas yu go
long hem, i gud yu wok strong
mo yu putum tingting blong yu
i stap long wanem we yu lanem.
I gud yu kakae
ol helti kakae,
yu mekem eksasaes,
mo yu mas spel gud.
Taem bodi blong yu i helti,
bren blong yu tu i wok gud.
Baebol i se taem yu wokhad,
gudfala samting i kamoat from.
Taswe, bambae yu glad sipos
yu traehad blong finisim skul.
Skul i save halpem yu blong luksave
samting we yu gat gudhan long hem,
mo kam gud moa long hem,
i trenem yu blong yusum gud tingting
mo stretem ol prolem,
mo i rerem yu tu blong
mekem gud ol wok
we bambae yu kasem long fiuja.