JW subtitle extractor

?Wanem i save halpem yu
blong dil wetem stres mo wari taem yu stap gruap?
Plante man bambae oli givim advaes
long saed blong ol defdefren topik.
Nating se i gat ol defdefren advaes,
?be olsem wanem blong faenem hemia
we bambae i givhan long yu,
mo i no save spolem yu?
!Ol advaes blong Baebol nomo
oli save givhan long yu!
!Wet!
!Baebol!
?Be hem i no wan olfala buk ya?
Si, i olfala.
Be insaed long hem, i gat plante gudfala advaes
blong Man ya we i wokem yumi.
Baebol i fulap wetem ol stamba trutok
we oli save halpem yu
blong mekem ol gudfala desisen
mo dil wetem ol problem.
Mo i gat stori blong ol man tu
we oli fesem sem problem olsem yu.
?Samtaem yu harem se i had blong gat ol fren?
Tingbaot eksampol blong Rut.
Wan woman long Baebol we i kaen
long ol narafala,
mo i no tingbaot hem wan.
Nating se Rut mo Naomi
i kamaot long defren bakgraon
mo yia blong tufala i no sem mak,
be Rut i stap tru long Naomi.
Hem i lukaotgud long Naomi
mo i soemaot se i kasemsave long ol filing blong hem.
Rut i wan nomo long olgeta
we Baebol i tokbaot stori blong olgeta
se oli winim ol problem we oli fesem.
?Samtaem yu harem se i had
blong joen gud wetem famle blong yu?
I gud yu ridim stori blong Jekob,
bambae i halpem yu blong joen gud
wetem famle blong yu
mo mekem se i gat pis.
?Narafala i pulum yu blong mekem seks?
Faenemaot samting we i halpem Josef
blong no wantem mekem samting we i no stret.
Aesea 48:17 i talem se:
“Mi Jehova, mi God blong yufala,
Mi nao mi stap tijim yufala
blong givhan long yufala.”
Baebol i fulap long ol nambawan advaes
we i save halpem yumi,
blong dil wetem ol defdefren problem.
I gud yu ridim blong faenemaot.
Yu save ridim Baebol long had kopi
o long jw.org,
blong faenemaot olsem wanem
Baebol i save halpem yu
blong glad long laef blong yu.

?Baebol i Save Givhan Long Yu?