JW subtitle extractor

今日我哋有好多方法同人聯絡
但係越嚟越多人覺得比以前孤獨
你最近有冇覺得孤獨呢？
係唔係你嘅屋企人
或者好朋友搬走咗？
定係你覺得冇人關心你？
個個好似玩得好開心
但係又唔叫埋你呢？
孤獨真係令人好難受
不過唔代表你有問題嘅
其實你只係需要多啲同人喺埋一齊
唔好收埋自己呀！
聖經話「孤立自己嘅人專注喺自私嘅心願」
淨係顧住自己係唔會解決到問題㗎
所以如果你覺得好難揾到朋友
試吓主動去幫人呀
你咁做唔單止自己開心啲
其他人都會想同你做朋友㗎
另外唔係朋友多就好㗎
佢哋係啲點嘅人呢？
要識得揀呀
你可以諗吓
究竟我嘅朋友
可唔可以幫我成為更好嘅人呢？
要記得社交平台係取代唔到
同朋友面對面交流㗎
咁係咪話你24小時都要同朋友一齊呢？
咁又唔使
有時我哋都需要自己一個嘅時間
試吓揾啲有意義嘅嘢去做呀
例如整啲健康嘅嘢食
做吓運動
又或者培養啲興趣
但係如果你試過晒都仲係覺得好孤獨
咁點算呢？
唔好放棄呀
同爸爸媽媽傾吓
睇吓使唔使揾醫生幫手呀
朋友同屋企人嘅愛
可以幫你諗嘢積極啲㗎
你都可以禱告同上帝講
聖經話「上帝會俾一個家孤苦伶仃嘅人」
上帝好關心你
佢會幫你令你開心返
我哋每個人有時都會覺得孤單嘅
只要你繼續好好照顧自己
同埋揾人幫手
咁孤單就唔會再係你嘅敵人喇

好孤獨，點算呀？