JW subtitle extractor

今日我哋有好多方法同人联络
但系越嚟越多人觉得比以前孤独
你最近有冇觉得孤独呢？
系唔系你嘅屋企人
或者好朋友搬走咗？
定系你觉得冇人关心你？
个个好似玩得好开心
但系又唔叫埋你呢？
孤独真系令人好难受
不过唔代表你有问题嘅
其实你只系需要多啲同人喺埋一齐
唔好收埋自己呀！
圣经话“孤立自己嘅人专注喺自私嘅心愿”
净系顾住自己系唔会解决到问题㗎
所以如果你觉得好难揾到朋友
试吓主动去帮人呀
你咁做唔单止自己开心啲
其他人都会想同你做朋友㗎
另外唔系朋友多就好㗎
佢哋系啲点嘅人呢？
要识得拣呀
你可以谂吓
究竟我嘅朋友
可唔可以帮我成为更好嘅人呢？
要记得社交平台系取代唔到
同朋友面对面交流㗎
咁系咪话你24小时都要同朋友一齐呢？
咁又唔使
有时我哋都需要自己一个嘅时间
试吓揾啲有意义嘅嘢去做呀
例如整啲健康嘅嘢食
做吓运动
又或者培养啲兴趣
但系如果你试过晒都仲系觉得好孤独
咁点算呢？
唔好放弃呀
同爸爸妈妈倾吓
睇吓使唔使揾医生帮手呀
朋友同屋企人嘅爱
可以帮你谂嘢积极啲㗎
你都可以祷告同上帝讲
圣经话“上帝会俾一个家孤苦伶仃嘅人”
上帝好关心你
佢会帮你令你开心返
我哋每个人有时都会觉得孤单嘅
只要你继续好好照顾自己
同埋揾人帮手
咁孤单就唔会再系你嘅敌人喇

好孤独，点算呀？