JW subtitle extractor

Gósi, ten txeu manera di pâpia ku otus algen,
má nunka ka tevi tantu algen ta xinti el sô sima gósi.
Bu ta lenbra di últimu bês ki bu xinti bo sô?
Abo, bu família ô un amigu ki muda pa un lugar lonji?
Bu ta xinti ma otus algen ta sta sénpri ta divirti sen bo?
Ô ma ningen ka ta preokupa ku bo?
Xinti bo sô é kasábi.
Má nen sénpri kel-li ka krê fla ma bu tene algun prubléma.
Talvês bu meste konvive más txeu ku otus algen.
Faze kel-li é midjór di ki fika bo sô.
Bíblia ta fla:
“Ken ki ta izola sta ta djobe ses própi dizeju iguísta.”
Bu ka ta konsigi rezolve prubléma si bu konsentra sô na bo.
Si pa bo é difísil faze amigu,
bu pode faze kuzas dretu pa otus algen.
Si bu gosta di da, bu ta xinti filís
i otus algen ta krê ser bu amigu.
I ka bu konsentra na kantu amigu ki bu ten,
má na ki tipu di amigu ki bu ten.
Skodje bons amigu!
Pensa na kel-li:
‘Nhas amigu ta djuda-m ser un algen midjór?’
Lenbra: Redi sosial nunka ka ta toma
lugar di sta róstu ku róstu ku bus amigu.
Kel-li krê fla ma bu ten ki sta tudu óra djuntu ku otus algen?
Nau! Alvês, bu ta meste sta bo sô.
Uza kel ténpu pa bo,
sima pa kume un kumida ki é bon pa saúdi,
pa faze izersísiu
i pa faze algun kuza novu.
Má i si dja bu tenta faze tudu kes kuza li
i simé bu sta xinti bo sô?
Ka bu dizisti!
Pâpia ku bu pai ô ku bu mai sobri djobe
ajuda di un dotor ki pode djuda-u.
Amor di bu família i amigus
pode djuda-u vense pensamentus negativu.
Tanbê bu pode faze orason pa Deus.
Bíblia ta fla ma el “ta da kes algen
ki sta es sô un lugar pa es mora.”
Deus ta preokupa ku bo
i el ta djuda-u xinti midjór i más filís.
Un óra ô otu tudu algen pode xinti el sô.
Má si bu ta kuida di bu saúdi
i bu ta kunfia na ajuda di otus,
bu ta sabe kuzê ki bu ta faze si bu sta xinti bo sô.

Kuzê ki bu pode faze si bu sta xinti bo sô?