JW subtitle extractor

Tede, i gat plante rod blong
ol man oli komuniket.
Be yet, plante oli gat filing ya
se oli stap olgeta wan.
?Samtaem yu tu yu gat filing ya?
?Maet from we yu,
o wan fren blong yu i muv i go
long wan narafala ples?
?O from we ol narafala oli no
invaetem yu blong gat gudtaem?
?O se i no gat man i kea long yu?
I tru se filing ya i save mekem
yu harem nogud.
Be hemia i no min se wan
samting i rong long yu.
Samtaem yu jes nidim blong
joen moa wetem ol narafala.
Hemia i gud moa i bitim we yu stap yu wan.
Baebol i talem se:
“Man we i stap hem wan oltaem,
hem i stap folem ol samting
we hem nomo i wantem.”
Sipos oltaem yu stap yu wan
bae yu no save winim filing ya.
Sipos i had long yu blong
storian wetem ol narafala,
yu save mekem sam samting
blong givhan long olgeta.
Hemia bae i mekem yu glad
mo bae ol narafala oli wantem
kam fren blong yu.
I nogud yu tingbaot hamas fren we yu gat,
be tingbaot se oli gat wanem kaen fasin.
Yu mas jusum ol gudfala fren.
Taswe, askem yu wan se:
‘?Ol fren blong mi oli givhan long mi
blong gat ol gudfala fasin?’
Tingbaot, fasin ya blong storian
long sosol media,
i no sem mak taem yu storian fes tu fes.
?Be hemia i min se yu mas
joen oltaem wetem ol narafala?
!Nogat!
Samtaem yu nidim blong stap yu wan
blong yu save lukaotgud long yu.
Hemia i min se yu kakae ol gudfala kakae,
yu mekem eksasaes,
mo yu traem ol niufala samting.
?Be olsem wanem sipos yu gohed yet
blong gat filing ya se yu stap yu wan?
!Yu no mas givap!
I gud yu storian wetem perens blong yu
mo askem sipos yu nidim blong go
luk wan dokta blong givhan long yu.
Mo tu, yu mas tingbaot se
ol fren mo famle blong yu oli lavem yu.
Yu save prea tu long God.
Baebol i talem se, ‘hem i givim
wan hom long olgeta
we oli stap olgeta wan.’
Taswe yu save sua se God i kea long yu
mo bae hem i givhan long yu.
Yumi evriwan i save gat nogud filing ya
se yumi stap yumi wan.
Be sipos yu lukaotgud long yu wan,
mo askem help long narafala,
yu save winim nogud filing ya.

Winim Filing Ya Se Yu Stap Yu Wan