JW subtitle extractor

长颈鹿系陆地上最高嘅动物
所以佢哋好容易食到树上面嘅叶
不过要耷低头饮水就考起佢哋嘞
除此之外
佢哋仲有一个更加大嘅挑战
就系要克服地心吸力
地心吸力
会令液体由高嘅地方流向低嘅地方
调返转如果想令啲液体去高嘅地方
就需要克服地心吸力嘅影响嘞
想去得越高就需要越大嘅压力
一只成年长颈鹿
心脏去到头部嘅距离至少有两米
即系话佢需要好高嘅血压
先可以将血液泵到去头部
长颈鹿需要嘅血压
比起任何哺乳类动物都高
大约系人类正常血压嘅两倍
如果人类或者其他哺乳类动物
有咁高嘅血压
就会引发严重嘅问题
例如对脚水肿
肾脏同埋心脏衰竭
或者中风
咁点解长颈鹿嘅血压咁高
但系又唔会有事嘅呢？
虽然科学家未完全了解所有细节
但系佢哋发现呢个同长颈鹿
独特嘅构造有关
成年长颈鹿嘅心脏肌肉特别厚
换转系人如果心脏嘅肌肉变厚
心脏嘅机能就会变差
但系长颈鹿嘅心脏肌肉就好有弹性
所以泵血嘅效能好高
咁长颈鹿耷低头饮水嘅时候
会唔会脑充血呢？
原来佢哋平时咁样做系唔会有事㗎
其中一个原因系
长颈鹿喺饮水嘅时候
会屈住或者掰大对脚
咁做可以缩短心脏同头部嘅垂直距离
保持血压稳定
就算长颈鹿突然岳高个头
佢都唔会因为啲血液
上唔切个脑而晕低
因为佢有好好嘅血液调节系统
比起颈动脉
长颈鹿小腿嘅动脉血管壁比较厚
而血管入面就窄啲
仲有血管裏面嘅环形肌肉
可以收紧或者放松
控制脚部嘅血流量
呢个机制
就好似同长颈鹿着压力袜咁样
帮佢调节下肢嘅血压
咁佢只脚就唔会肿嘞
研究长颈鹿嘅心血管系统
可以帮医生揾到新方法
治疗高血压
科学家喺长颈鹿身上揾到灵感
研发更加好嘅太空衣
喺近乎真空嘅状态之下
太空衣需要提供压力
令太空人嘅血液同其他体液正常流动
维持佢哋嘅生命
我哋唔完全了解长颈鹿嘅构造
但系我哋肯定
虽然长颈鹿嘅血压高过人类好多
但系就维持住佢哋嘅健康
你觉得呢？
长颈鹿高压嘅血液循环系统
系进化而嚟
定系有设计嘅呢？

有设计者吗？长颈鹿的血液循环系统