JW subtitle extractor

好多生物主要都係靠視覺
去探索周圍嘅環境
但係有啲動物就唔係嘞
噉佢哋係靠咩㗎呢？
就係靠回聲定位
即係靠聲音去感知周圍嘅嘢
例如大部分蝙蝠都有呢種能力
就算佢哋住嘅環境好複雜好擠逼
但係仍然可以準確偵測周圍嘅嘢
點做到嘅呢？
蝙蝠會快速噉收縮
喉嚨或者條脷嘅肌肉
發出一連串嘅聲
跟住佢哋會聽返啲回音
然後再分析
佢哋可以靠回音返嚟嘅時間
去判斷獵物嘅位置
有一啲蝙蝠例如大棕蝠
佢哋可以好準確噉樣定位
個誤差甚至仲少過1毫米添
同蝙蝠唔一樣
抹香鯨就用佢龐大嘅頭部嚟發出聲波
喺潛水之前
佢哋會先吸一大口氣落個肺
之後會用一部分空氣嚟喺水底發聲
聲量仲大過飛機起飛
有成230分貝
抹香鯨會將啲空氣
逼入頭部嘅一對特殊器官嚟發出噠噠聲
不過啲聲唔係直接傳出去㗎
而係先撞落一個氣囊
反彈去一個充滿蠟油嘅器官
跟住再撞落另一個氣囊
然後通過脂肪層傳出去
呢個時候嘅聲波
會非常集中而且強烈
就好似電筒噉照住前面
咁大條抹香鯨
游水嗰陣好難突然停低㗎
不過有呢個回聲定位系統
佢哋就可以預先知道邊度有障礙物
識得避開嘞
另一種用回聲定位嘅動物就係海豚
同好多鯨魚一樣
海豚頭部外面係冇耳仔嘅
噉佢係點聽嘢嘅呢？
海豚嘅下顎有特殊嘅脂肪組織
可以接收回音
有啲海豚甚至可以識別
650米以外嘅嘢添
無論係大海嘅深處
廣闊嘅海洋
定係漆黑嘅地方
有啲動物仍然可以用聲音
好清晰噉「睇」到周圍嘅環境
回聲定位呢個咁神奇嘅能力
係進化出嚟丫
定係有設計㗎呢？

有設計者嗎？生物界的回聲定位系統