JW subtitle extractor

好多生物主要都系靠视觉
去探索周围嘅环境
但系有啲动物就唔系嘞
噉佢哋系靠咩㗎呢？
就系靠回声定位
即系靠声音去感知周围嘅嘢
例如大部分蝙蝠都有呢种能力
就算佢哋住嘅环境好复杂好挤逼
但系仍然可以准确侦测周围嘅嘢
点做到嘅呢？
蝙蝠会快速噉收缩
喉咙或者条脷嘅肌肉
发出一连串嘅声
跟住佢哋会听返啲回音
然后再分析
佢哋可以靠回音返嚟嘅时间
去判断猎物嘅位置
有一啲蝙蝠例如大棕蝠
佢哋可以好准确噉样定位
个误差甚至仲少过1毫米添
同蝙蝠唔一样
抹香鲸就用佢庞大嘅头部嚟发出声波
喺潜水之前
佢哋会先吸一大口气落个肺
之后会用一部分空气嚟喺水底发声
声量仲大过飞机起飞
有成230分贝
抹香鲸会将啲空气
逼入头部嘅一对特殊器官嚟发出哒哒声
不过啲声唔系直接传出去㗎
而系先撞落一个气囊
反弹去一个充满蜡油嘅器官
跟住再撞落另一个气囊
然后通过脂肪层传出去
呢个时候嘅声波
会非常集中而且强烈
就好似电筒噉照住前面
咁大条抹香鲸
游水嗰阵好难突然停低㗎
不过有呢个回声定位系统
佢哋就可以预先知道边度有障碍物
识得避开嘞
另一种用回声定位嘅动物就系海豚
同好多鲸鱼一样
海豚头部外面系冇耳仔嘅
噉佢系点听嘢嘅呢？
海豚嘅下颚有特殊嘅脂肪组织
可以接收回音
有啲海豚甚至可以识别
650米以外嘅嘢添
无论系大海嘅深处
广阔嘅海洋
定系漆黑嘅地方
有啲动物仍然可以用声音
好清晰噉“睇”到周围嘅环境
回声定位呢个咁神奇嘅能力
系进化出嚟丫
定系有设计㗎呢？

有设计者吗？生物界的回声定位系统