JW subtitle extractor

Ty vaovao farany fahafito baka amy filankevipitantan̈ana tan̈atiny valan̈aretin̈y ty.
Fotokevitry nifidian̈a taminany ty ten̈a spesialy.
“Ten̈a valera anaro tanora io.”
Akory naninaro?
Tianay hidera ezaka ataonaro,
fotiny anaro sady mazoto amy fan̈ompoan̈a,
anaro koa mazoto mivory,
ndreky mamaky Baiboly.
Maro aminaro koa natao batisa
ndray nisy valan̈aretin̈y ty.
Ravoravo zahay manan̈a anaro.
Fa zahay koa ten̈a miasaloha aminaro.
Ren̈inay baka fa maro aminaro mahatsiaro mijaly,
fotiny anaro tifanojy amy kamaradinaro.
Kanefa amy ekran fo, anaro afaka mifampikoran̈a.
Nety niova fiain̈anany sasany aminaro nazony valan̈aretin̈y ty.
Avio maro aminaro efa tsy mandeha lekoly tsy karaha taloha.
Hainay fa ten̈a tsy mora aminaro miatriky raha jiaby zen̈y.
Fa anaro tsy latsatokan̈a
Maro koa tanora karaha anaro,
miatriky raha sarotro karaha raha mavoa anaro io koa.
Zahava baka video ty:
Asa mba mitovy amy raha tsapanaro raha tsapandro tanora koran̈izity ato.
Ndraindraiky zaho tsy ravoravo foeky,
fotiny coronavirus karaha tsy mety mahaiafaka.
Niova raha jiaby fataoko isanandra, ten̈a tsy mahazatra zaho raha zen̈y.
Tamy voanalohany zaho tsisy raha vitako fa mipetraka fo an̈atiny andra araiky.
Fotiny zaho ngomang^^ma fiarahan̈a amindro kamaradiko aby io.
Zaho mipetraka fo baka io tara mandry oe.
Efa tsy haiko aby ndray matsan̈a ndray alin̈y andra.
Zaho tsy afaka miaraka amindro kamaradiko aby io ke hitako mijaly oe zaho.
Olo tran̈o araiky aminaka fo hitako isanandra,
safe zaho manjary karaha mora mahinihiny oe.
Tsaiky miramira taon̈o aminaka miasa loha koa fa mandeha miasa raimandrenindro.
Iro baka mavozo tso ifindrany aretin̈y raimandrenindro.
Raha ten̈a mampiasa loha zaho tso zaho mamindra aretin̈y aminolo tran̈o araiky aminaka,
sirto amy dadàko ndreky dadiko.
Zahay koa fa tsy nandeha lekoly eky,
hitako sarotro oe zaho zaraiky mianatra antran̈o.
Zaho malemy hoazy ke zaho manjary tsisy te han̈ano raha foeky.
Sarotro aminaka mitory amy telefony
fotiny zaho mavozo tso an̈adarisany olo aby itoriako.
Sitrany fo zaho mitory amy taratasy fa avozoako mitory amy telefony.
Mijojo mare lera fisoratiko amy
Ten̈a nampakivy zaho raha zen̈y.
Iro koa fa nivolan̈a taminaka fa atsika tsy mahazo mandeha amy tran̈o fivorian̈a karaha taloha,
Karaha nivolan̈a taminaka anao tsy mahazo mahita ry havanao ao foeky.
Zaho ten̈a ngomba fiarahan̈a amindro piaramanompo aby io,
ndreky amindro kamaradiko amy fiangonan̈a.
Asa hitanao mahakasiky anaro tran̈o araiky,
raha aby nikoran̈indro tio in̈y?
Tandrin̈esa baka ty:
Stope video!
Avio alà onon̈o koran̈a aby tio in̈y.
Avio koran̈a amindro olo tran̈o araiky aminao.
Ohatra zioty: asa ino tamindro problemo nikoran̈indro tanora aby tio in̈y
hitanao mba ten̈a nitovy amininao?
Zahay matoky tsarabe fa
ten̈a nikoran̈a problemo hitanaro anaro tio in̈y.
Tianay anaro, Jehovah koa tia anaro.
Hainy raha mahazo anaro.
Safe izy mampan̈antena fa han̈ampy anaro
an̈atiny andra sarotro ty.
Vakintsika Isaia 41:10.
Karaha ty volan̈iny ato:
Ino ma dikany zen̈y?
Jehovah io efa mitana tan̈ananao fo.
Ke izy tsy mety hamosotro tan̈ananao an̈atiny valan̈aretin̈y ty.
Izy afaka man̈amia anao angovo ilainao,
baka anao hahavita hifehy eritreritrinao.
Ke anao hahavita raha tsara fo,
ndray io raha hiain̈anao zioty.
Atsika zioty hizaha video.
Tandrin̈esa iro tanora aby ty!
Ino aby raha nataondro nahavitandro
niatriky problemondro.
Koa fa misy naman̈a kivy,
volan̈iiko amindro fa tsy tsara mifantoko amy raha efa loso an̈y.
Fa mila mizaha ino raha mbala afaka atao zioty.
Hitako raha ten̈a man̈ampy zaho man̈ano emploi du temps amy raha tiako atao isanandra.
Ataoko listy raha jiaby zen̈y ke ten̈a hitako nan̈ampy zaho mare.
Zaho deside han̈ano fianaran̈a manokan̈a fo.
Tsy raha ninolobeko fo fa
baka zaho koa havita hanompo Jehovah.
Zen̈y nampanonga môralinaka.
Izikoa zaho fa mahinihiny na hempaka,
hitako tsara oe koa mba mamoron̈o raha atao.
Izikoa anten̈a mba mamoromoron̈o raha atao,
anten̈a tsy hieritreritry fa mila misy naman̈a fo ankilaten̈a io amy lera jiaby.
Safe za mipaindra, manjaitry,
mianatra volan̈a hafa.
baka io mianatra mandoky.
Ndraikindraiky zahay ndreky zokiko tsy fankahazo hely,
fa zahay koa fa miaraka man̈ano raha,
karaha ataony man̈atriky hanin̈y aminolo.
Zahay samby ravoravo avio zahay mahaimifankatia fo .
Tsara mikoran̈a amy raimandreny fotiny izikoa anten̈a tsy mivolan̈a fa mangin̈y fo,
hahaihijaly fo anten̈a.
Aza mavozo fa koran̈a amy namanao raha jiaby an̈aty fonao.
Tsy olo malemy anao koa man̈ano zen̈y.
Fa zen̈y edy hahaizan̈a anao fa anao olo fatatra.
Anao koa fa mahatsiaro kivy nata tsy mazava aminao raha mahazo anao ndraikindraiky,
ambarà Jehovah raha jiaby.
Izy tsy maintsy han̈ampy anao amy fotoan̈a ilanao izy.
Zaho nikoran̈a tamindry olobeko,
an̈isany hevitry nikorandro taminaka,
Zaho tokony hampitombo fotoan̈a anaovako fanompoan̈a.
Ke han̈ano fitorian̈a amy taratasy ndreky hiaraka hampianatra aminolo.
Zaho nahavita nikoran̈a raha momba Jehovah tamy tsaiky lekoly araiky taminaka.
Tandraraiky izy niaraka nivory taminay tamy zoom.
Namaly teny aby izy tamy fianaran̈a Tilikambo.
Ravoravo be zay zaho.
Tamy valan̈aretin̈y araiky ty
ten̈a maro raha niova tambony tany.
Fa atsika ndraiky tsy mila mavozo.
Atsika tsy miady manokan̈a, atsika jiaby miray sain̈y.
Jehovah man̈ampy atsika.
Tsy maintsy mandresy atsika miaraka amy Jehovah.
Ke atsika an̈isany olo hiravoravo hiain̈y amy paradisa tsarabe io.
Asa hitanao amy raha nivolan̈indro tio in̈y, ino raha mety han̈ampy anao?
Ino amindro hevitry aby nikoran̈indro tio in̈y ma ten̈a hitanao mifan̈araka aminao.
Alô ndraiky ajanona video!
Iritrerita ino hevitry tianao tio?
Na koa koran̈anolo tran̈o araiky aminao.
Amian̈a fotoan̈a hely anaro.
Akory amizay?
Tsy nahita hevitry tsara anaro?
Zaho matoky fa anaro nahita.
An̈isany raha araiky man̈ampy atsika hiatriky valan̈aretin̈y ty koa
raha koran̈iny amy Filipianina 1:10.
Karaha ty volan̈iny ao:
Ino aby ma sasany amy raha ten̈a maventy koran̈iny andininy io?
Raha ten̈a maventy: Vaky Baiboly.
Vavaka, fanompoan̈a amy saha,
avio koa fotoampivavahan̈a.
Karakory fo basy fianaran̈a manokan̈a?
Raha ten̈a maventy koa izio.
Fa mety ten̈a han̈ampy anaro zioty koa
famakian̈a Bokikely:
“Fan̈otanian̈a Folo Manahiran̈a Tanora” in̈y.
Misy koa sasany aminaro tanora aby io
mifen̈y mamaky tantarampiain̈ana.
Misy araiky zay mamaky tantarampiain̈ana araiky isanandra.
Anaro koa man̈ano zen̈y, mira mitety tany jiaby in̈y,
ke maharen̈y piaramanompo mitantara
akory nataondro niatriky problemo.
Izikoa tianao hita tantarampiain̈ana aby io,
zahava amy Fikajian̈a Bokiny Vavolombelon̈o Jehovah
Sorata ao tantarampiain̈ana.
Fa ty koa misy raha araiky mila iritriretin̈y:
Izikoa anao mahatsiaro latsatokan̈a,
ino raha tokony hataonao?
Tsarova raha koran̈y Ohabolana ty:
Ohabolana 18:1
Alô vakiantsika izio.
Izikoa anao mahatsiaro latsatokan̈a,
ten̈a fahendrena zioty
izikoa anao mitady olo ikoran̈ana.
Tsara anao izikoa mba mitady olo ikoran̈anao,
na mitokiky miaraka aminao.
Kamaradinao amy fiangonan̈a.
Ndray baka amy telefony anao mikoran̈a amindro.
Zen̈y an̈isany torohevitry baka amy dokotera.
An̈isany fomba an̈aboahantsika fahendrena koa
Atsika mba mianatra raha
baka amyy ohatra tsarandro tanora namantsika aby io.
Hainaro sasany aminaro tanora aby io zioty,
gadrain̈a nohony finoan̈andro.
Sasny mbala miambin̈y fitsaran̈a.
Ino raha man̈ampy iro hiatriky zen̈y?
Hohitanaro amy fan̈adikadin̈ana ty valiny zen̈y.
Ranabavy Darya Dulova baka Russie
Izy mbala 18 taon̈o fo.
Tran̈ondro nidiranyy polisy forse.
Iro fanjakan̈a pan̈ano ankety kriminely aby io amizay,
nan̈ano ankety izy ndreky mamany.
Niditry forse tamy tran̈onay iro tamy 01 Aoty 2018.
Zaho tamizen̈y sady taitry baka io navozo.
Iro nivolan̈a tamy mama fa zaho mila avotan̈a zen̈y.
Izikoa tsy zen̈y ho robaka aveniranaka.
Zaho tsy hahazo asa.
Tsisy havan̈a, tsisy foeky.
Nataondro olo kriminely zaho ke nisazindro.
Mama nahazo sazy mihanton̈o taon̈o aroe.
Fa ninaka ndraiky taon̈o araiky.
Tsy ela tafarany izin̈y mbala hataondro ankety kriminely ndraiky koa zaho.
Ke mbala mitohy fo raha zen̈y firaka zioty.
Zaho taloha navoro tso higadraindro zahay roeny mamako.
Baka zaho tsy havozo loatra
nampitombosoko fotoan̈a nan̈anovako fianaran̈a manokan̈a.
Zaho amizay koa ndray nigadraindro tamy prizon,
zaho mba fa nisy raha nisaintsain̈iny.
Nan̈amia korazy zaho 2 Tantara 20:17
Hoizy: “Samia anaro mangala toeran̈a ke mitsangana tsara fo,
baka io zahava famonjeny Jehovah anaro.”
Dikanizio tsy raha hoe matoky Jehovah karaha io fo, izikoa fa misy problemo.
Fa dikanizio koa miambin̈y izy han̈ano raha.
Nan̈ano fivoriambeny vondroparitry zahay
tsy ela zahay nidirandro tantran̈o forse in̈y.
Nisy hevitry nazavaina tan̈y zay ten̈a tiako.
Hoe: 80% vatan̈anolombelon̈o io rano fo.
Ke zaho koa fa nandesindro tamy tany fan̈anovana ankety in̈y
Zaho nipetraka baka io nizaha tsarabe pan̈ano ankety in̈y.
Zaho nan̈ano sary nisy tsipiky lavalava zay
Baka io nifinoaka rano.
Tan̈aty jeriko tan̈y tsisy raha tokony hatahoran̈a anao io, fa anao io raha rano fo.
Ke izikoa fa nivolan̈a taminaka karaha ty:
‘Dasha robaka aveniranao jiaby.’
Fahitako izy tamizen̈y karaha rano in̈y fo.
Taminaka tsisy dikany aby menasinany in̈y.
Hitako fa Jehovah ten̈a nanohan̈a zaho tamy problemo be in̈y.
Ke zaho zio fa tsy mavozo eky izikoa mbala misy hafa koa avy.
Matoky zaho fa Jehovah tsy hiala zaho.
Izy ndraiky mety tsy araka nieritreretako izy.
Fa izy ndraiky tsy maintsy han̈ampy zaho han̈ano raha han̈amezan̈a voninahitry izy fo.
Zen̈y man̈amia toky zaho tsarabe fa tsy maintsy raha mahatsara zaho fo ataony.
Ten̈a nampiasy korazy nahita Darya tio in̈y.
Nifen̈y fo baka izy tsy nivadiky tamy Jehovah ndreky niaro finoan̈anany.
Zaho tio in̈y nikoran̈a tamindro tanora aby io fo fa
Zioty ndraiky tiako koa hikoran̈a amindro raimandreny aby io.
Fotiny iro koa mba nahita problemo maro baka tamy valan̈aretin̈y ty.
Naro raimandreny mety nahainitombo fo problemonaro zioty.
Anaro zio mety mampianatra zanakanaro antran̈o fo.
Sady miasa koa.
Baka io naro mifen̈y fo koa baka tran̈onaro hadio fo.
Baka io mbala io koa fan̈anovan̈a raha arapan̈ahy tsy tapaka.
Ian̈inaro aby raha jiaby zen̈y isanandra.
Ten̈a taianay anaro!
Jehovah koa ten̈a tia anaro.
Man̈ampy atsika hahavita raha jiaby zen̈y,
fan̈anovan̈a voalohantoeraran̈a raha arapan̈ahy tsy tapaka.
Naro raimandreny, tohiza fo fan̈anovan̈a fotoampivavahan̈a tsy tapaka io.
Mety koa naro man̈ano fotoampivavahan̈a miaraka amy naman̈a hafa.
Olo fiangonan̈a araiky aminaro na kamaradinaro.
Ke mampiasa video conférence na telefony.
Ho tiandro raha zen̈y sady ho tianaro koa.
Ten̈a mamparavoravo zahay mahita anaro tanora aby io,
mifen̈y mare mifandray marikitry amy Jehovah fo.
Ndray io valan̈aretin̈y ty.
Ndray ino ndray ino raha mandalo zioty,
anaro mifen̈y baka mbala mahaimatotro fo.
Mirehareha zahay manan̈a anaro.
Ary matokisa anaro fa
Jehovah koa ravoravo manan̈a anaro.
Tianay koa hivolan̈a aminaro fa,
ten̈a tiany filankevipiitantan̈ana anaro jiaby tsiaraikaraiky.
Narehanaro tio Tele JW,
baka amy foibeny Vavolombelon̈o Jehovah aty.

Vaovao Farany Baka amy Filankevipitantan̈ana (2020) #7