JW subtitle extractor

Welkam long apdet ya.
Long plante ples long wol,
ol tri dei asembli oli stat finis.
Stat long Julae,
bitim 2.3 milien man
oli bin joen finis long
tri dei asembli ya,
‘Soemaot Longfala Tingting’
I sua se yumi glad tumas
blong save luk bakegen
ol fren blong yumi
long asembli ya mo
faenem ol niufala fren tu.
Yes,
yumi kasem ol kakae long saed
blong spirit long stret taem.
Olgeta we oli joen long
asembli ya finis
oli harem gud tumas.
Mo olgeta we oli no go yet
long asembli ya,
mifala i sua se bae
oli laekem tumas.
Long Jun 1,
plante Betel long fulwol
oli bin stat blong
mekem ol tua bakegen.
Hemia i givim bigfala glad
long ol visita
mo long ol Betel famle tu.
Mifala i glad tumas taem ol
faswan visita oli kambak bakegen,
from we mifala i save se
oli traehad bigwan.
Blong talem stret,
mifala long Betel
mifala i glad tumas
taem oli visita oli kam.
Mi laekem tumas taem
ol brata sista long Betel
oli klapem han mo
oli welkamem mifala.
Mo tu, oli givim plante
hag long mifala.
!I naes tumas!
Oli welkamem gud mifala,
mo tu, evriwan oli kam toktok
wetem mifala.
Oli luk ol apdet blong
Chelmsford Betel
long jw.org nomo
mo mi neva ting se
bae mifala i gat janis
blong visitim ples ya.
Bitim wan manis nao
we ol tua oli stat bakegen
mo i naes tumas.
Mifala blong Filipin.
Be naoia mifala i laef long Kanada.
Mifala i draev blong samples 8 aoa
blong kasem Warwick Betel
Mifala i bin mekem plan ya blong
visitm Betel long Maj 2020.
Mo nating se tri yia i pas finis,
be mifala i se, no
yia ya, mifala mas go
blong visitim Betel.
Mi save talem stret se
sipos famle blong yu
i no mekem trip ya yet,
i gud yu traem.
Bae ol pikinini blong yu
oli neva save fogetem.
I no posibol blong rili tekem taem
mo luk evri samting
long wan visit nomo.
So, mi hop se bae mifala i gat
janis blong kambak bakegen.
Ol brata mo sista ya
oli harem sem mak olsem Deved
we i talem long Baebol,
long Ol Sam 122:1
se: “Mi mi glad tumas
taem oli talem long mi se:
‘Yumi go long haos blong Jehova.’”
Mifala i invaetem yu
blong visitim Betel
mo kasem semfala glad ya.
Yu save bukum wan tua
long jw.org.
Blong moa infomesen,
Yu save go long pej ya
“Tua Long Betel”
o kontaktem Branj Ofis blong yu.
Folem wan nius we
i kamaot long jw.org
long Wenesde, Jun 28
2023
projek blong yumi we
i stap long Ramapo
i kasem wan apruvol
we i kam long ol ofisol
blong taon blong Ramapo.
Hemia i wan impoten apruvol
we yumi nidim long projek ya.
Nating se i gat sam narafala permit
yet we yumi nidim blong kasem
be apruvol ya i mekem se
projek blong yumi i save gohed
Yumi talem tangkiu long evriwan,
inkludum ol brata mo
sista blong yumi
we oli stap wok long projek ya.
Mo yumi talem tangkiu long Jehova
from we hem i gohed
blong blesem projek ya.
Long Mei 2022,
Brata Dennis Christensen
i kamaot long prisen.
Biaen, yumi mekem wan intaviu
long hem mo waef blong hem, Irina.
Bae yumi wajem intaviu ya
mo traem luk samting we
i givhan long tufala
blong oli save stanap strong oltaem.
Wan dei, mifala i stap long miting
blong mifala long kongregesen
long taon blong Oryol,
mo wan long ol man blong givhan
i ron i kam, i talem long mi se:
“!Dennis! !Yu traem kam aotsaed!”
Afta mi se: “Ok”
Ale taem mi go,
mi sek se i gat plante oli kam
mo oli werem mask.
Hemia ol polis ofisa
mo ol man blong
Federal Security Services
Oli soem ol ID blong olgeta
mo oli se bae oli jekem
Haos Kingdom blong mifala
Mo afta,
oli soemaot wan pepa long mi
we i talem se
mi nao man we i mekem problem
mo oli se bae oli putum mi
long prisen blong tu dei.
Mo mi ting se: “Ok.
Hemia wan smol problem
nomo blong stretem.
mo tu dei i oraet nomo.
Mo i gat sam brata sista we oli go
long prisen mo oli stanap strong.
So, mi tu mi save mekem.
Mo mi save se bae
Jehova i lukaot long mi.”
Samting we i had moa,
hemia blong no moa stap wetem
waef blong mi, Irina.
Prisen ya,
i stap long wan ples we
i had blong ol man oli save
luk ol prisena we i stap insaed.
Mi traem faenem wan ples we
mi save luk windo blong hem
mo tu blong hem i save luk mi
klia nomo taem mi stap aotsaed.
So, mitufala i agri blong mi stap go
long ples ya blong hem i luk mi.
Mo Dennis i talem taem long mi.
Evri dei we hem i kam blong luk mi,
hemia ol beswan taem long dei blong mi.
Mi stap wet nomo long 1:00 long aftenun
blong mi save luk Irina.
Nating se i blong 5-10 minit nomo.
Mitufala i mekem olsem blong tu yia.
Irina i stap kam evri dei.
Hem i kam long taem we
i gat sno, i gat ren, i gat san,
nating se weta i olsem wanem
be oltaem Irina i kam.
Hemia wan smol sikret blong mitufala ya
we mitufala i jes talemaot nao.
Blong tu yia, mitufala i no talemaot
samting ya long wan man.
Mi traehad blong stap
olsem wan gudfala hasban.
Taem mi stap long prisen,
mi traem kolem hem tu taem evri manis
mo mi traem raetem leta i go long hem
faef taem long wan wik.
Mi gat ol fren we oli sapotem mi,
oli visitim mi,
mi kasem ol leta
mo oli givhan long Dennis tu.
Ol fren ya oli se:
“Sipos yu harem nogud,
yu ring o teksem mifala blong kam luk yu.”
Oli rere blong givhan long eni samting.
Mo mi talem tangkiu tumas long olgeta.
Mi tingbaot we
ol brata mo sista oli sapotem mi
taem mi go long kot.
Hemia i givhan bigwan long mi.
Taem mi kasem jajmen blong mi
blong stap sikis yia,
i gat plante man we oli kam.
Samting we mi mekem
hemia se mi lukaotgud
long tingting blong mi
from we mi tingbaot advaes
blong Ol Proveb we i se:
“Sipos tingting blong yu i foldaon . . .
bambae yu no gat naf paoa.”
Mo mi save se bae mi stap
longtaem long prisen,
taswe mi wantem blong stanap strong.
Mi traehad blong ridim Baebol evri dei
from hemia i impoten,
mo blong tingting dip.
Mi gat wan not buk we mi raetemdaon
ol tingting we mi laekem long Baebol
we oli mekem mi mi strong.
Eksampol,
plante taem mi stap tingbaot advaes
we i stap long Aesea 30:15
we i talem se:
‘Yumi mas stap kwaet
mo trastem [Jehova]’
from hemia nao i
mekem yumi strong.
Mo oltaem mi prea
blong mi gat pis long hat blong mi
mo blong Jehova i halpem mi blong
mi gohed blong stap glad oltaem,
from hemia nao samting we mi mi wantem.
Mi stap tingbaot ol haeman se:
“Yes, yu mekem se mi no moa fri.
Yes, yu mekem se mi no
moa luk famle blong mi
mo blong mi no moa save hagem olgeta,
be insaed, bae mi no letem
yu stilim pis blong mi.
Bae mi no letem yu
stilim glad blong mi.”
Mi mi wantem hapi.
Mi wantem mekem wok blong
Jehova olsem we hem i wantem
from we hem i wan hapi Papa.
Dennis i bin raetem wan
naesfala toktok se:
“Sipos yu wantem harem gud,
yu mekem ol narafala oli harem gud.”
Tingting ya i halpem mi bigwan.
Mo oltaem mi mi bisi
blong stap lukaot rod blong
givhan long narafala.
Mi go visitim olgeta,
mi pem kakae blong olgeta
o visitim wan we i sik.
Wan ofisa long prisen i talem long mi se:
“Dennis, mi mi luk se yu yu glad we.”
Mo mi se: “Yes.
Oltaem mi mi stap tingbaot taem ya
we bambae mi mi fri.
I olsem we mi mi no stap ya,
mi mi stap aotsaed finis.”
Nao hem i talem long mi se:
“Christensen,
taem mi luk yu,
mi luk olsem se
yu stap aotsaed longtaem finis.
Yu wan man we i fri
from oltaem nomo mi luk se yu glad.”
Oltaem nomo,
mi stap tingbaot dei ya we
bae mi kam fri blong go luk
ol brata mo sista bakegen
mo famle blong mi.
Mo blong mi hagem olgeta.
Mi mi sek blong luk we plante
man oli stap long ples ya.
Sam oli bin kam eli finis.
Mo i gat ol man we oli kam
long ol defdefren taon.
Mifala i save finis se bae i gat
sam man we oli mitim mifala
long eapot long Copenhagen.
Be mifala i glad we mifala i glad
blong luk se i gat plante brata mo sista
we oli stap wet long mifala.
Mo oli stap singbaot
bigwan from oli glad.
Mi mi hagem evriwan.
Mi mi stap wet longtaem
finis blong mitim olgeta.
Mi mi glad bigwan long taem ya.
Naoia mifala i stap long Denmak
mo mifala i statem wan
niufala laef bakegen.
Mifala i gat wan nambawan ekspiriens
mo mifala i wantem tumas blong serem
blong givhan long ol narafala.
Prisen i olsem wan gudfala
skul we i halpem yu
blong kam gud long ol Kristin fasin.
Mi mi glad from we mi
no moa stap long prisen.
Be oltaem mi stap gohed yet blong
prea from ol brata sista blong mi
we oli stap long prisen.
Mo naoia, mi prea strong
moa from olgeta
from mi save samting we
oli stap fesem long prisen.
Hemia i no isi.
Be mi sua tu se bambae
Jehova i halpem olgeta
olsem we hem i bin halpem mi.
Tangkiu famle Christensen
blong serem ekspiriens blong
yutufala wetem mifala.
Eksampol blong yutufala i
leftemap tingting blong mifala.
Mi tingbaot bifo,
taem mi stap wok wetem ol brata
we oli laef long ol komunis kantri,
mi tingbaot strong bilif mo
strong tingting blong olgeta.
I bin tajem hat blong mi
mo kasem tede,
mi stil tingbaot yet.
Taem yumi luk eksampol blong ol brata
mo ol sista we oli stap long ol kantri
we i gat strong fasin agens,
hemia i leftemap tingting
blong yumi tu
blong yumi gohed blong holemstrong
nomata wanem trabol yumi fesem.
Yumi gohed blong prea,
from bitim 180 brata sista
blong yumi raon long wol,
oli stap yet long kalabus
from bilif blong olgeta.
?Taem yu wajem intaviu ya,
yu makem samting we i givhan long
famle Christensen blong stanap strong?
Brata Christensen i talem se
hemia Baebol riding blong hem evri dei
mo fasin blong tingting dip.
Hem i raetemdaon ol vas we i
leftemap tingting blong hem
long wan not buk.
Brata mo sista Christensen
oli gohed blong storian tugeta
tru long telefon o leta.
Mo i naes tumas
blong luk se ol smol visit
blong tufala long wan sot taem
i mekem tingting blong tufala i strong.
Mo tu, ol brata mo sista oli gohed
blong sapotem tufala long hadtaem ya.
Mo wan samting we brata mo
sista Christensen i mekem,
hemia se oli traem blong faenem
rod blong halpem ol narafala tu.
?Yu tingbaot samting we
Dennis i talem long Irina?
“Sipos yu wantem harem gud,
. . . mekem narafala i harem gud.”
Hemia i mekem yumi tingbaot tok
blong Jisas long Ol Wok 20:35,
i se: ‘Man i harem gud moa taem hem i givim,
i bitim we hem i kasem samting.’
Wan vas we i givhan tu long Dennis
blong hem i stanap strong
long hadtaem blong hem,
hemia Aesea 30:15,
we i se:
‘Yufala i save kam strong
sipos yufala i stap kwaet
mo yufala i trastem God.’
Mifala i glad blong talem long yufala se
fulwan intaviu blong brata
mo sista Christensen
bae i kamaot long jw.org long fiuja.
Yes, olsem we Jehova i givhan long
famle Christensen blong stanap strong,
hem i save mekem sem mak long yumi tu
sipos yumi gohed blong
trastem hem oltaem.
Ol brata mo sista,
mifala i glad tumas from
strong tingting blong yufala.
Plis, no foget se mifala i
lavem yufala tumas.
Long Wol Hedkwota blong
Ol Witnes blong Jehova,
hemia hem i JW Brodkasting.

2023 Hed Kampani Apdet #5