JW subtitle extractor

Oji nha dia kumesa dretu.
Má di noti, dipôs di runion N ka sta xintiba sábi.
Na komésu di kel simana li
N konvida alguns irmon pa nu odja un filmi na nha kaza.
Ten un irmon jóven ki ka dura li ki bira ansion, parse-m ma el fika ta sabe.
Nton dipôs di runion el ben pâpia ku mi.
El fla-m pa N toma kuidadu ku filmis ki N ta skodje.
N ka gosta di manera ki el da-m konsedju.
El ten sô 27 anu, jóven dimás.
Kel otu dia nu staba konbinadu pa sai na pregason
ku irmon Kang i se mudjer.
N ka tinha gana bai.
N fla irmon Kang ma N krê papiaba ku el.
N konta-l kuzê ki kontise
i N fla-l ma nu atxa ma kel konsedju ka éra pa nos.
N ta ntende kuzê ki bu sta xinti.
Má konta-m verdadi.
Bu ta atxa ma ka ten ninhun motivu pa kel konsedju ki bu dadu?
Mm.
Bon, parse-m ma tinha alguns párti na filmi ki talvês tinha violénsia.
Má N ka gosta di manera ki el da-m konsedju,
nen el ka pergunta kuzê ki nu atxa.
Byong Soo, kal ki é úniku manera di nu dadu konsedju perfetu?
Di un algen perfetu.
É simé.
I Jizus sta li na Téra?
El tinha razon.
É sô un algen perfetu ki pode da konsedju perfetu.
Má ta sérba más faxi seta konsedju sobri filmis ki nu ta odja,
si é un algen más grandi i ku más spiriénsa ki da-nu konsedju,
sima irmon Kang.
Bon, debe ser el ntende kuzê ki N sta pensaba na el
pamodi el djuda-m lenbra di un párti di Bíblia.
Kantu Jó staba ta pasa pa prublémas,
Eliú, ki éra un algen mutu más jóven ki el, da-l konsedju.
Pa seta konsedju di algen más jóven i ku ménus spiriénsa ki el,
Jó tinha ki ser umildi.
Dipôs el lé Provérbios kapítlu 19 versíklu 20
‘Obi konsedju i seta disiplina,
pa bu pode bira sábiu na futuru.’
N ntende klaru kuzê ki el krê flaba.
Konsentra na konsedju envês di na kenha ki da-u konsedju.
Dipôs N konta nha mudjer kuzê ki irmon Kang fla-m.
Nu ntende ma nu debe seta tudu konsedju ki ta ben di Jeová.
É nos ki ta ganha.
Kel ansion jóven mesteba koraji pa txiga na mi i pa da-m konsedju.
Má N sta kontenti pamodi el da-m konsedju
i kel-la é más un próva di amor di Jeová.

Obi konsedju ta djuda-nu ten sabedoria