JW subtitle extractor

Hari dina be namo herea.
To hari hanuaboi
ena hebou murinai,
egu hemami ia dika.
Wiki lalonai,
turadia haida ai boiria mai
muvi itaia totona.
To, inai elda matamata
ese unai ia kamonai,
so hebou murinai
lau ia sisiba henia,
ia gwau namona be egu
muvi lau abia hidi karana
lau lalohadailaia namonamo.
Lau ia sisiba henia dalana
lau ura henia lasi.
Ia be 27
bona ia be matamata sibona.
Unai dina murinai,
ai be tadikaka Kang
bona ena adavana ida
ai palani do ai haroro totona.
To haroro urana ia noho lasi.
Tadikaka Kang lau nanadaia,
lau ura ia lau hereva henia.
Ia vara gauna be ia
dekenai lau gwauraia,
bona ai mamia unai
sisiba be badina lasi.
Emu hemami lau lalopararalaia.
To Byong Soo,
lau dekenai hereva
momokani oi gwauraia.
Oi laloa unai sisiba
umui badinaia be anina lasi?
Mm. Reana, muvi ena kahana haida
be dagedage karana ia hahedinaraia,
To sisiba ia henia neganai
ai ia nanadaia lasi emai
hemami be edena bamona.
Byong Soo,
edena dala sibona amo sisiba
goevadaena ita abia diba?
Tau goevadaena amo.
Unai be maoro.
Bona Iesu be hari
tanobada ai ia noho?
Ia be maoro.
Sisiba goevadaena
be tau goevadaena
sibona ese ia henia diba.
To, emai muvi abia hidi
karana dekenai
bema sisiba ia henia tauna
ena mauri lagani be bada
bona mai ena ekspiriens,
hegeregere tadikaka Kang,
do ia auka lasi.
Reana, lau lalohadailaia
noho gauna ia diba,
badina lau ia durua
Baibel ai ia noho sivarai ta
lau laloatao totona.
Iobu be hahetoho badana
ia davaria neganai,
tau matamata Elihu
ese Iobu ia durua
lalohadai maorona
ia abia totona.
Bema Iobu ia manau,
unai tau matamata o ekspiriens
bada lasi tauna ena sisiba
do ia kamonai.
Bena Aonega Herevadia
19:20 ia duahia:
Point ia hedinarai goevagoeva:
Namona be sisiba ita laloa,
to sisiba ia henia tauna lasi.
Tadikaka Kang ia gwauraia hereva be
gabeai egu adavana
dekenai lau gwauraia.
Ai laloparara
namona be Iehova amo
idia mai sisiba ibounai
ita abia dae.
Unai be iseda namo totona.
Lau diba
unai elda matamata be
mai boga-auka ida ia mai
bona unai hekwakwanai
dainai lau ia hereva henia.
To lau moale unai ia karaia dainai,
badina lau laloparara
iena sisiba be Dirava
ena lalokau karana
ena haheitalai ta.

Sisiba Oi Kamonai Henia Do Oi Aonega