JW subtitle extractor

Mea maitai roa hoi teie poipoi.
I muri a‘e râ i te putuputuraa, ua inoino rii au.
Tau mahana a‘enei, ua mataitai mâua
i te hoê hoho‘a teata e te tahi mau hoa.
Ua faarooroo râ te hoê matahiapo apî.
Haere mai nei o ’na e a‘o ia ’u, ma te parau e:
A maiti maitai a‘e ta oe mau hoho‘a.
Aita vau i au i ta ’na huru a‘oraa mai ia ’u.
27 matahiti noa hoi to ’na. Mea apî roa.
Poipoi a‘e, ua faaau mâua e haere e poro
na muri i te taeae e te tuahine Kang.
Aita râ te mana‘o i tae.
Faatia ’tura vau ia taeae Kang i te ohipa i tupu.
Ua parau atoa vau aita mâua
ta ’u vahine i afaro i tera a‘oraa.
Te taa ra ia ’u to oe mana‘o. Tera râ,
Byong Soo, faaite mai na te parau mau.
Papu anei ia oe aita iho â tera a‘oraa i tano?
Mm.
Te vai ra paha te tahi mau tuhaa aita i tano roa.
Ia ’na râ i a‘o mai, aita o ’na i ani a‘e to mâua mana‘o.
Byong Soo, o vai ana‘e te nehenehe
e horoa i te a‘oraa tia roa?
Te hoê taata tia roa.
Parau mau roa.
E tei nia anei Iesu i te fenua i teie mahana?
Ua tano oia. O te hoê ana‘e taata tia roa
te nehenehe e horoa i te a‘oraa tia roa.
Noa ’tu râ, mea hau a‘e ahani na te hoê
matahiapo paari a‘e mai ia taeae Kang,
i a‘o ia mâua no nia i te mau hoho‘a ta mâua e mataitai.
Ua taa ia taeae Kang eaha ta ’u e mana‘o ra.
Ua faahaamana‘o mai o ’na i te hoê aamu i roto i te Bibilia.
A faaruru ai Ioba i te mau tamataraa ino mau,
na Elihu, mea apî a‘e oia, i haaferuri ia ’na.
Ua titauhia ia faahaehaa Ioba no te
faaroo i te hoê taata apî a‘e ia ’na.
Ua taio mai taeae Kang i te Maseli 19:20:
Te haapiiraa e huti mai: A haapao
i te a‘oraa, eiaha râ i te taata a‘o.
Ua faaite au i ta ’u vahine ta te taeae Kang i parau mai.
Ua taa ia mâua e tia ia farii i te mau a‘oraa atoa
no ǒ mai ia Iehova ra. No to mâua hoi maitai.
E ere i te mea ohie no tera matahiapo apî
ia haere mai e paraparau ia ’u.
Aua‘e râ o ’na i na reira, no te mea, i te tanoraa mau,
ua riro ta ’na a‘oraa ei tapao no to Iehova here.

A farii i te a‘oraa ia noaa te paari