JW subtitle extractor

Jewova te chwazi Mari,
ki te jèn,
pou yon asiyasyon ki difisil.
Se yon asiyasyon ki t ap mande
pou l gen gwo lafwa.
Li t ap gen pou l pran swen,
pou l leve
sèl Pitit Bondye fè a, Jezi Kris.
Se te vrèman yon gwo
privilèj sa te ye!
Yon privilèj ki te mande pou
Mari gen gwo lafwa.
Se pa paske li t apral genyen
gwo responsablite sa a
pandan anpil anpil ane.
Se paske okòmansman,
anvan Mari te aksepte
asiyasyon sa a,
siman li t ap poze tèt li
kèk kesyon,
e youn nan kesyon sa yo
te ka gen rapò ak
reyaksyon zanmi l,
fanmi l, vwazen l,
e nòmalman fiyanse l, Jozèf.
Bon, zanj lan pa di Mari:
“Ou pa bezwen pè.
M pral anonse l tout moun,
yon fason pou pèsonn
pa gen pwoblèm avè w
lè yo aprann sa.”
Wi, se te yon asiyasyon
ki te difisil e ki te
bay Mari anpil pwoblèm.
Imajine reyaksyon Mari lè l
resevwa asiyasyon sa a.
Videyo apre a ap vrèman
ede n fè sa.
M te fiyanse avèk Jozèf.
M te panse nou t apral mennen
yon vi ki senp e ki pezib.
Men sanzatann, tout bagay
te chanje.
M konnen pafwa Bondye konn
mande n fè sa ki difisil.
Men, sa a te parèt enposib.
Li te menm pi difisil pase
sa n te ka imajine.
M te konnen Jewova t ap
ede m si n te ret fidèl avè l
e n te fè tout sa n kapab
pou n pran swen
Pitit Gason li renmen anpil la,
Li t ap toujou fidèl avè n,
e li t ap toujou ban nou
sa nou bezwen.
Lè n reflechi ak sitiyasyon Mari,
tout sa l te vle se te mennen
yon vi ki senp, trankil.
Men, sanzanntan, tout
bagay te chanje.
Sa te ka parèt enposib pou li,
pou l aksepte asiyasyon sa a.
Men, ki jan l te reyaji?
M ap envite nou ouvri
Bib nou, nan Lik 1:38.
Lik 1:38.
N ap wè reyaksyon Mari.
“Mwen se esklav Jewova!
Se pou sa rive m jan w di a.”
Wi, avèk lafwa, avèk imilite,
li te aksepte asiyasyon
difisil sa a.
Li te konnen Jewova t ap
avè l, li t ap ede l.
Ki jan Mari te fè vin gen
gwo lafwa sa a?
Repons lan nan Lik 1:46.
Se Lik 1:46.
Nou pap li vèsè a.
Men, n ap li nòt etid ki
mache ak vèsè a.
Men sa l di:
“Pawòl Mari te di nan vèsè
46 a 55 yo gen plis pase
20 referans, oswa pawòl, ki soti
nan liv ki te ekri ann Ebre yo.
Pawòl Mari yo montre
li te gen yon bon relasyon
ak Bondye
e l te byen konn Ekriti sakre yo.
Yo te montre jan l te
gen rekonesans.
Pawòl li yo montre tou
gwo lafwa li te genyen,
lè l te di Jewova bese
moun ki wo yo e ki
awogan yo byen ba,
e l ap leve moun ki ba,
moun ki pòv ki vle sèvi l yo.
Wi, lafwa Mari te baze sou
Pawòl Bondye a,
sou Ekriti sakre li te konnen yo.
Men sanble, Mari pa t posede
kopi Ekriti sakre sa yo.
Okontrè, li te dwe fè efò pou l
sonje sa l te konn tande
y ap li nan sinagòg yo.
Sa vrèman enteresan.
Mari te konsève tout
panse sa yo nan fon kè l,
panse ki te nan liv ki te ekri
ann Ebre yo.
Se sa k fè, lè kè l te pouse l
fè louwanj pou Jewova,
se ekspresyon sa yo ki te
vin nan lespri l.
Paske l te konsève yo nan kè l.
Jan n wè sa, gwo lafwa
Mari te genyen an
te baze sou Ekriti sakre yo,
e se sa k fè Bondye te chwazi l
pou asiyasyon sa a.
E nou menm?
Ki jan nou ka imite gwo lafwa
Mari te genyen an?
Nan videyo ki vin apre a,
gade ki jan menmsi
asiyasyon nou ta diferan,
menm jan ak Mari, nou
bezwen gen gwo lafwa.
Lè yo te fèk di m sa, m te
panse yo te fè erè.
Mwen menm, sèvi kòm
siveyan nan yon depatman
pou kongrè entènasyonal la.
M te panse li t ap twòp
pou mwen.
Men, sa gen kèk ane m te
panse menm bagay la tou
lè yo te mande m sèvi nan
yon Komite sekou,
e lè m te kòmanse sèvi nan
Komite lyezon ospitalye.
Anfèt, m te toujou santi m konsa
lè m jwenn yon asiyasyon
nan men Jewova.
Men, sa m vin aprann...
Jewova toujou la pou l ede m.
Donk, lè Jewova ban m yon
asiyasyon ki parèt difisil,
m toujou sonje
priye,
rete fidèl,
epi gen konfyans...
L ap ede m.
Èske sa te fè w mal
pou jèn frè sa a?
Siman, nou byen konprann
ki jan l te santi li.
‘Lè yo te fèk di m sa, m te
panse yo te fè erè.’
Pa gen dout, gen nan nou
ki konn santi n konsa.
Ki sa k te ede jèn frè sa a?
Li te sonje jan Jewova te ede l
chak fwa li te jwenn yon
nouvo asiyasyon.
Nou sonje lè l t ap reflechi ak
asiyasyon yo te ba li
nan Komite sekou a.
Nou te wè jan l te kanpe
devan tout frè sa yo ki gen
eksperyans ki t ap
tann li di yo ki sa pou yo fè.
Sa pa t vrèman fasil.
Nou sonje prezantasyon l
t apral fè
antanke reprezantan Komite
lyezon ospitaliye a?
Nou sonje lè l te chita
poukont li nan koulwa a
e dam nan te parèt,
e li te di l li mèt antre.
Li pa t menm souri avè l.
E responsab lopital yo
pa t vrèman kontan.
Nou ka santi asiyasyon sa yo
twòp pou nou.
Men, ki sa jèn frè a te di?
Li di sa k te ede l se te
lapriyè, rete fidèl,
epi demontre lafwa.
Wi, menm jan ak Mari,
nou menm tou,
nou ka vin gen gwo lafwa,
epi fè Jewova plezi.
Nou bezwen aji avèk imilite
epi demontre yon konfyans
total nan Jewova.
Bib la pale de yon kalite
konfyans konsa
nan liv Sòm nan.
Mwen envite n chèche
Sòm 56:3, 4.
“Lè laperèz anvayi m,
se nan ou mwen met
konfyans mwen.
Mwen met konfyans mwen
nan Bondye,
Sila a mwen fè louwanj
pou pawòl li a.
Mwen met konfyans mwen
nan Bondye, mwen pa pè.
Ki sa yon moun ka fè m?”
Wi, menm jan ak ekriven
sòm nan,
menm jan ak Mari,
nou ka gen yon konfyans
total nan Jewova.
Se pou nou demontre
gwo lafwa
lè yo ban nou asiyasyon
ki difisil!
Se pou nou gen konfyans
Jewova ap beni nou,
jan l te beni Mari a!
Frè Leonard Myers,
yon frè k ap ede nan
Komite redaksyon,
pral prezante pwochen diskou
nan senpozyòm nan:
“Imite medam ki te gen
gwo lafwa yo!
— Dam ki moun peyi Fenisi a.”

Geoffrey W. Jackson: Imite medam ki te gen gwo lafwa yo! — Mari, manman Jezi