JW subtitle extractor

Iro ty an̈y!
Derainy Nebo!
Istara!
Baka io Mardoka,
zan̈ahary maheriheriny jiaby!
Kahia iro olonkendry aby io.
Kahia iro olonkendry aby io ho zaho!
Tsy haiko foeky izio!
Karaha tsy fambara ndraiky izio.
Tsy haiko foeky!
Efa olonkendry jiaby ma io?
Efa iro farany mahay amy fanjakan̈a ty io.
Mafadian̈a,
zaho mila mikoran̈a amy panjaka.
Mamanao navy io tompoko anao.
Misy lelahy zay amy fanjakan̈anao ty ato,
misy fan̈ahiny zan̈ahary masin̈y.
Izy afaka man̈azava aminao dikanizio.
Azovy ma lelahy zen̈y?
Daniela.
Daniela?
Azovy ma Daniela zen̈y?
Anao ma Daniela?
Zaho tompoko anao.
Zaho naharen̈y fa
anao zen̈y afaka man̈ambara
hevitrindraha sekire.
Hitanao,
izikoa anao mahay mamaky soratra io,
ndreky mahavita man̈azava aminaka ino dikanizio,
anao hampisikin̈iny lamba violet,
baka io asian̈a ravaka volamena amy vozon̈onao,
ndreky pitondra fahatelo amy fanjakan̈a ty anao.
Tanà fo fan̈amezan̈anao.
Ameza olo hafa iro raha aby zen̈y.
Fa ndray zen̈y,
vakiako aminao fo ndraiky soratra io,
ndreky hambarako anao hevitrinany io.
Zan̈ahary Farany An̈abo nan̈amia Nebokadnezara
fanjakan̈a ndreky habezan̈a,
baka io voninahitry ndreky fahambonian̈a.
Kanefa, izikoa fa nan̈ambony ten̈a fonany,
naongan̈a tamy sezy fiandrian̈ana tamy fanjakan̈anany,
baka io nadoso taminany voninahitrinany.
Kanefa anao Belsazara,
mbala tsy nan̈etry ten̈a fo tan̈aty fonao tao,
nata fa hainao raha jiaby zen̈y.
Fa anao nan̈ambony ten̈anao ndraiky
hanohitry Tompiny Lan̈itry.
Baka io nirahinao nindesin̈y teto
iro kopy baka tantran̈onany.
Baka io amizay anao ndreky iro vadinao hafa,
iro vady helinao ndreky olo manankaja,
samy nigiaka divain tamindro io,
ndreky nidera iro zan̈ahary volafotsy ndreky volamena,
zan̈ahary tsy afaka mahita raha aby io,
ndreky tsisy raha ren̈y,
sady tsisy raha hay foeky.
Fa Zan̈ahary araiky iankin̈any fahin̈ananao,
ndreky tompiny lalan̈anao jiaby ndraiky
tsy mba namezanao voninahitry.
Ke tan̈ana nanoratra io,
Izy nandefa izio.
Ke karaha ty,
dikaniro volan̈a aby io:
MENE:
Zan̈ahary efa nan̈isa andrany fanjakan̈anao,
ke noho zen̈y hifaran̈any izio.
TEKELA:
Anao,
efa nipizen̈y tamy balansy,
ke hita fa tsisy lanjany.
PERESA:
Nirasarasain̈a fanjakan̈anao,
ke amian̈a iro Medianin̈y aby io,
ndreky Persianin̈y.
Io Daniela panjaka Dariosy.
Izy Jiosy, natao sesintany a Babylony aty.
Anao ma nan̈ambara
soratan̈ana baka tamy zan̈ahary io?
Aha,
tsy zaho izio panjaka,
fa Zan̈aharinaka,
Zan̈ahariny Israely.
Atsika mila olo sefo amy faritany,
mahay tsara iro babo aby io.
Zaho matoky fa
mbala an̈abon̈abony zen̈y
plasy tseky handeha amiany
Belsazara anao tio in̈y.
Tompoko anao,
Daniela tsy nety nangala iro kado ndreky voninahitry
seky handeha amiany Belsazara izy in̈y.
Ke tsy voahodikondin̈y amy vola zen̈y anao.
Dikany zen̈y anao tsy tindreko sefomparitany fa
ataoko piandraikitriro sefomparitany aby io.
A Tora,
’ndao ataova filazan̈a fanendren̈a
amian̈a Daniela zen̈y.
Amy zen̈y,
ho haindro pangalatra vola amy
trezorompanjakan̈a ao fa
ho voasazy iro manomboko zio.
Olompanjakan̈a ambony anao.
Ho vitanao tsara raha zen̈y!
Miankin̈y amy fan̈ampiany Jehovah zen̈y.
Fa nan̈ino ndraiky ma hetrantany
karaha nanjary an̈abo be karaha ty?
Fa nanohitry koa olo.
Mampiasa loha izy zen̈y!
Zaho zio vo navy nitaky latetiny tany taminolo araiky.
Nan̈efa ma izy?
Fa tsy nifain̈y fo anjarantsika.
Karaha zen̈y koa problemo tojy zaho.
Volan̈indro,
’mangataka raha ankoatrany latety,
fan̈araraotan̈a.’
Hmm, Akory nahaizandro raha zen̈y?
Daniela!
Mba namboarinaro tsara ndraiky ma izy
baka izy hiaraka hiasa amintsika?
In̈y tsy mangala foeky, nata ino!
Ke izy nivolan̈a fa
mahampy tsara zen̈y karamanany,
ndray izy mandilatra.
Aza man̈eky halafo karaha zen̈y!
Izy baka man̈ano izy olo farany marin̈y
baka hampiafatra Dariosy.
Tsy hahadin̈y aby zen̈y!
Tsy ho ela Dariosy,
’fa ho empaka aminany edy!
Misy raha tsy mazava tsara tompoko anao
amy latety miditry amy trezorompanjakan̈a ao!
Ten̈a mahasaky raha anao
matoa nikoran̈a zen̈y tatỳ.
Haiko fa tsy karaha zen̈y raha tianao ho ren̈y.
Tadiavintsika ino porofo.
Daniela,
hitako fa taon̈o maro nidokoanao ta Babylony teto,
nahavy anao nisy fahendrena.
Anao teto zay ma efa firy taon̈o?
Efa mandilatra 70 taon̈o.
Zaho mbala tihan̈ontany,
karakory ma nahaizanao
dikany nofiny Nebokadnezara in̈y?
Jehovah Zan̈ahary,
mahay man̈ambara raha sekire.
Izy nan̈ambara taminaka dikany nofy in̈y.
Zaho marin̈y ma,
efa 70 taon̈o ta Babylony teto.
Ah, marin̈y!
Faminanian̈any Jeremia!
Izikoa fa tapitry 70 taon̈o,
ataoko ampamoaka panjakany Babylony
ndreky firenena zen̈y,
nohony fahadisoan̈anany.
Tamy nifatesany Belsazara in̈y,
tanteraka kaiky izio!
Ino eky hifandraisany zen̈y
amy vahoakany Zan̈ahary?
Hitsinjo anaro zaho,
izikoa fa tapitry 70 taon̈o
nijanon̈anaro ta Babylony,
ke hitantirahako aminaro,
fampan̈antinan̈anaka,
ke zaho han̈ampody anaro amy toeran̈a ty ndraiky.
Joda koran̈iny io.
Mila mikoran̈a amy Jehovah amy vavaka zaho,
handeha hiaiky fahotan̈any firenenanaka.
A Jehovah,
mba tandrin̈esa,
mamilà heloko Jehovah.
Jehovah, tandrin̈esa
ke mba man̈anaova raha.
Mba aza ela,
Zan̈ahariko ô,
nohony an̈aran̈anao.
Daniela,
Zaho io navy han̈ampy anao
hahay ndreky hahazo tsarabe hevitry raha jiaby.
Anao mbala vo nanomboko niangavy fo,
Zaho ’fa nirahiny,
ke Zaho navy handeha hampita hafatra aminao.
70 herin̈iandra natokan̈a tamy firenenanao
ndreky tanànanao masin̈y
baka hamaran̈ana fandikandalàn̈a,
ndreky han̈ajanon̈ana fahotan̈a.
Daniela,
Azarela ndreky Hana navy io.
Akory ato Daniela!
Ravoravo zaho mahita anaro!
Efera, avia mipetraka aminaka eto.
Zaho misy vaovao tsara!
Ahh!
Mba koran̈a aminay edy?
Hitanaro,
kaiky Jehovah efa elabe nivolan̈a fa
atsika mbala himpody a Joda an̈y.
Zaho nimpody nizaha ndraiky
faminanian̈any Jeremia:
Fa karaha ty raha nivolan̈iny Jehovah,
’Izikoa fa tapitry 70 taon̈o
nijanon̈anaro ta Babylony,
hitantirahako aminaro fampan̈antinan̈anaka,
ke anaro hampodiko ndraiky amy toeran̈a ty.
70 taon̈o hoizy.
Dikany zen̈y vahoakany Jehovah
efa tsy ela hody an̈y ndraiky.
Ino mahavy anao matoky zen̈y?
Jehovah nandefa anjely nivolan̈a zen̈y.
Anjely?
Izy nivolan̈a, tanàna io
ndreky tempolinany hamboarin̈y ndraiky,
baka io Mesia ho avy amizay amy farany!
Anao dikany zen̈y,
hahita tempoly io voaorin̈y ndraiky.
Tsy ndraiky mampavozo zen̈y?
Jehovah efa von̈ono mare
han̈amia raha ilainy panomponany.
Izy nivolan̈a taminy Isaia,
’atsika tsy teraka zaza ho azondraha tampoko,
fa iro taranaka tahiany Jehovah
ndreky taranakandro.’
Ke izikoa fa raha volan̈iny Jehovah,
tsy maintsy han̈ano karakory?
Tsy maintsy ataony!
Tanàna io kony fa ravan̈a e!
Zen̈y mahavy atsika ten̈a mila
pan̈ano fan̈oren̈ana mahay,
han̈orin̈y raha an̈y ndraiky.
Ke anao koa ma dikany zen̈y
handeha hody a Joda an̈y?
Zen̈y raha mba tiako mare!
Mila handifasan̈a ekipy mikobaby lalan̈a an̈y.
Izikoa tsy zen̈y,
loso hahairatsy fo raha
izikoa fa latsaka mahalen̈y.
Tora, mba karakarà raha zen̈y.
Karakory ataonao mahay raha be karaha zen̈y?
Tsy mendriky hahazo dera
amy zen̈y aby zaho tompoko anao,
fa zaho raha...
Tsy Daniela zaraiky fo panjaka,
afaka mahita hevitry tsarabe karaha zen̈y e!
Daniela,
mikasiky sefomparitany a Sosa in̈y,
mila soafan̈a olo hafa?
Zaho ndreky piaramiasa aminaka koa
fa nandiniky tsarabe afaira io,
hita fa naodikondin̈y sefomparitany in̈y
volampanjakan̈a,
ke nampidiriny ampôsinany.
Ehe, ehe!
Tsy marin̈y zen̈y!
Tsy asidinao izin̈y, Otana?
Asidiko,
ndreky zaho mahasaky mivolan̈a
aminao fa izy olo marin̈y.
Mety misy fahadisoan̈a amy zen̈y.
Azafady panjaka fa
zaho mahay raha momba asidiko in̈y,
mandilatra Daniela.
Ambesa zaho hivolan̈a aminany,
ndreky hamaha problemo zen̈y.
Atsika Medianin̈y ndreky Persianin̈y
tsy sarotin̈y be karaha iro Jiosy aby io.
Zaho matoky fa zen̈y voavahantsika.
Tsara zen̈y,
alamìna malaky.
Mersy anaro.
Tompoko anao,
azafady mitabataba anao
fa misy vahiny navy.
Haaa, raha ataonaro Jiosy ty,
vavaka fo.
Zaho tsy mahavita manompo panjaka karaha
ataoko io Zan̈ahary koa tsy man̈ampy zaho.
Zen̈y?
Ndraiky man̈ano raha hampadiranandra sefomparitany?
Raha nirahin̈y nataoko fo nataoko.
Tsy olo vahiny karaha ataonao
handeha hibekobeko zahay,
aminy asa ataonay.
Raha hitondra hatsaran̈a amy panjaka fo ataoko.
Ren̈inay anao nitady raha hampatsara
Nebokadnezara.
Fa raha nataonao nampadala izy.
Tsy baka taminaka izin̈y fa tamy Jehovah.
Fa zahay tsy miasa lohany zen̈y.
Fa anao tandrema mitabataba zahay.
Tsy sarotro ndraiky,
mampiala amy plasy sefomparitany,
fa’taova an̈aty jerinao koa fa
mbala moramorany zen̈y
man̈abon̈o Jiosy matoelahy io!
Voninahitry,
miaraka aminao eto.
Hainaro ino namoriako anaro?
Mm, ehe tompoko anao.
Karakory niafarany sefomparitany
nirahiny Daniela nadoso in̈y?
Tokony hadoso izy?
Ia, efa nizahavanay tsarabe momba problemo in̈y.
Tsy nataony tsara asanany?
Ehe.
Nisy raha ma nadin̈any?
Tsisy foeky.
Vola jiaby tokony nalefany tamy
trezôro ma nalefany tamy trezôro?
Tsisy foeky tompoko anao,
efa navoavory aradalan̈a aby raha jiaby.
Kanefa tsy mitovy amy zen̈y foeky
raha nikoran̈iny Daniela in̈y.
Daniela ndraiky marin̈y,
izy nanohan̈a tsarabe panjakany Babylony,
fa...
Izy ‘fa matoe!
Raha tiany Otana hambara,
‘fa tsy ten̈a azo antoko
raha tianizin̈y koran̈iny.
Efa lan̈y andra hevitrinany.
Tsy zen̈y fo.
Jiosy kony izin̈y e!
Kato, atsika tsy man̈avakavaka olo.
Ia, sady zen̈y edy raha tiako ambara.
Daniela,
zahay io mikoran̈a raha momba anao.
Marin̈y volan̈anao.
Misy mikomy marin̈y a Sosa an̈y.
Mangataka sefomparitany vaovao iro,
olo tsy handeha hangalatra tadiavindro.
Tompoko anao, fa zaho matoky,...
Mangina!
Zaho nan̈andefa olo pan̈aramaso nandeha tan̈y.
Olo atokisako!
Daniela,
hitako fa anao mbala miavaka
amindro olo ankilanao io.
Iritrireta hely baka raha ho vitako,
izikoa anao praiminisitrinaka.
Atsika mety mbala mety mikoran̈a amy panjaka.
Zen̈y tsisy varany!
Daniela fo tandrin̈esany volan̈a.
Atsika mila mizaha raha
han̈ampagan̈a Daniela in̈y,
raha sarotro amy Dariosy tsy han̈eky izy.
Nefa tsisy raha azo hankaratsian̈a izy.
Ia, firaka eto.
Man̈iraha olo handiniky tsarabe
raha amy lalan̈antsika ao,
tsy maintsy misy raha fo mba nidikaviny.
Ke anao,
an̈ontania aby na pivarotro
na piasampanjakan̈a,
ndreky olo jiaby afaka mahita
raha handeha hiampangan̈a izy.
Han̈aboaha volabe iro,
ataova mahampy tsara.
Hanan̈antsika aby koa
tantara jiaby momba Babylony.
Ke tadiava ao raha mangala baraka,
nety natafiditry izy.
Tsisy raha mety hivolan̈a izy foeky
amy taratasy aby ty.
Tsisy foeky?
Nata sekely volafotsy araiky tsy very.
Fa Daniela koa fa mandray antan̈ana raha araiky,
tsisy foeky risoriso ndreky raha very.
Ho aiza tsarabe!
Tsisy olo mivolan̈a raha ratsy momba izy foeky.
Olo jiaby tia izy,
ndreky panjaka matoky izy.
Matetiky tsisy olo pijery iro pivarotro
baka amy firenena hafa aby io,
koa fa hangalarinolo rahandro.
Fa Daniela mba niaro iro,
ndreky nikaroko ten̈a raha nisy.
Nataony raha tsy maintsy
nan̈ampodian̈aniro pangalatra aby io,
raha nangalarindro.
Ndray iro olo namany koa
mba tsara laza.
Nisy fotoan̈a Nebokadnezara
tsy nan̈omba olo foeky,
handeha hivolan̈a raha
mankaratsy Zan̈aharindro.
Tamy fotoan̈a io zen̈y,
Jehovah zen̈y nan̈avotro iro
baka tan̈atiny lafaoro may be,
koa iro fa tsy nan̈eky nanompo
zan̈ahariny Babylony.
Jiosy tsy man̈eky hanompo zan̈ahary hafa?
Zen̈y raha volan̈inolo.
Navoavahanao problemontsika.
Kato, Otana,
ino ma raha tadiavinaro?
Panjaka Dariosy,
anò ela velon̈o anao.
Hitanao Babylony hanjakanao ty,
ten̈a matanjaka,
kanefa samy amy tany haviany olo eto.
Misy Babylonianin̈y, Ejipsianin̈y,
io ny Griky,
olo maro hafa koa.
Ia, haiko tsara zen̈y Otana.
Anao panjaka aradalan̈a eto.
Anao koa tsy Babylonianin̈y,
sady olo vaovao.
Mila man̈eky anao vahoaka,
izikoa tianao hadin̈y ela fanjakan̈anao.
Ke karakory hevitrinaro?
Olompanjakan̈a ambony jiaby,
piadidy, sefomparitany,
sefony tandapa,
ndreky governera,
iro namango niaraka nidiniky baka
han̈aboahan̈a lalampanjakan̈a,
hampan̈ankery didy ty,...
An̈atiny 30 andra,
lan̈iany man̈ano fangatahan̈a
na amy zan̈ahary zen̈y na aminolo,
koa tsy amy panjaka fo,
tsy maintsy hatsipy an̈aty lavaka lion.
Iro vahoaka aby io,
tsy tokony ambela ho zatra manohitry.
Zahava fo raha nandalo ta Sosa in̈y.
Ke miangavy anao zahay panjaka,
mba han̈ano sin̈e lalan̈a ty
baka tsy ho azo ovoan̈a foeky,
eraka lalan̈any Medianin̈y ndreky Persianin̈y.
Ke tsy ho azo foan̈ana foeky koa izio amy zen̈y.
Rango zay mbala tsy nilamin̈y,
ndreky nandroso be karaha ty fanjakan̈a ty.
Kanefa ta Sosa ndreky tantany hafa,
nisy olo nikomy.
Ke iro nanery atsika,
handeha han̈ova fomba fiain̈anantsika.
Kanefa atsika tsy mety
han̈eky raha karaha zen̈y.
Atsika ten̈a mankasitraka mare
fahahafahan̈a namezany fanjakan̈a ty atsika.
Ke mba hampatsiarovan̈a atsika
voninahitry hanan̈any fanjakan̈a ty,
Zaho, Dariosy Medianin̈y,
man̈aboaka lalàn̈a ty:
Lan̈iany man̈ano fangatahan̈a
an̈atiny 30 andra,
na amy zan̈ahary zen̈y na aminolo,
koa tsy amy panjaka zaraiky fo,
tsy maintsy hatsipy an̈aty lavaka lion.
Mbala handeha hody
handeha hivavaka fo anao?
Azarela,
anao mahay tsara zaho,
karaha zen̈y koa iro fahavaloko aby io.
Olo mahatazan̈a zaho amy lafenaitranaka,
mivavaka amy Jehovah intelo isanandra.
Ke izikoa zaho karaha voly tsy mivavaka eky,
akory ho ny olo amy zen̈y?
Anao voly nivavaka foeky ho iro.
Fa ny ten̈a ratsy,
ataondro nambelako foeky fivavahan̈anaka,
hiarovako ain̈inaka.
Zaho mahay tsarabe Jehovah.
Ke izikoa zaho matoky izy,
amiany hatsaran̈a.
Tsy haiko ndraiky amy fomba akory zen̈y,
fa izy fo karaha zen̈y.
Mivavaha, baka hanan̈a finoan̈a fo zaho,
ndreky ho fatatra fo finoan̈antsika jiaby,
na karakory raha hiboaka.
Ty misy raha amiako anao.
Fa pare hanin̈y.
“Jehovah pan̈azava
“ndreky pamonjy zaho
ke ‘zovy hatahorako.”
“Jehovah e, mba tandrin̈esa zaho,
“zaho koa fa mikaiky.
“Anò ho tsara fan̈ahy aminaka anao,
“ndreky mba valia zaho.
“Jehovah e,
“anao kony raha tadiaviko e.
“Fotony anao pan̈ampy zaho,
“aza mba mafoe zaho
“ndreky aza hialan̈a zaho,
Zan̈ahary pamonjy zaho o.”
Ampanjaka,
irarian̈a anao ho ela velon̈o.
Anao ma tsy efa avy nan̈ano sin̈e
didy mivolan̈a an̈atiny 30 andra,
lan̈iany man̈ano fangatahan̈a amy zan̈ahary
na aminolo...
koa tsy aminao fo panjaka...
tsy maintsy hatsipy an̈aty lavaka lion?
Ia, didy ‘fa manankery zen̈y,
mifan̈araka tsara amy lalan̈any
Medianin̈y ndreky Persianin̈y.
Ke mbala misy nino?
I Daniela,
araiky natao sesintany baka ta Joda in̈y.
Tsy man̈isy fotiny anao foeky izy panjaka,
ndreky fandraran̈a nataonao sin̈e in̈y.
Fa intelo isandra izy mivavaka.
Daniela?
Aha, zen̈y tsy marin̈y!
Ke zen̈y ankitin̈y?
An̈ontania baka izikoa mbala famatra izy.
Azovy vavolombelon̈o?
Zahay dimy tompoko anao,
masaky mifanta.
Izy efa matoe.
Tsao tsy azony tsara e?
Izy misy plasy an̈abo ato,
zaho matoky,
hainy tsarabe dikany
man̈eky panjaka zen̈y.
Mindao naro.
Ke hisamborinay ma izy a...
Zaho fo mahay raha ataoko amy zen̈y!
Alô basy hisazian̈a Daniela.
Hadosoko aminy andraikitrinany izy,
ndreky hiroasiko miala amy tanàna
eto izy amaray maraindrain̈y.
Tompoko anao...
Amy zen̈y olo jiaby hahita
fa tsy maintsy arehan̈a lalàn̈antsika.
Fa lalàn̈a in̈y kony panjaka
mivolan̈a fa
hatsipy an̈aty lavaka lion
koa tsy man̈araka izio.
Hitako ane raha ataonaro io e!
Anaro tsy men̈atra zalahy?
Amy lalàn̈any Medianin̈y ndreky Persianin̈y,
zay fandraran̈a ndreky didy
efa naboakany panjaka,
efa tsy azo ovoan̈a eky.
Raha tadiavinay ane panjaka,
hazahoanao voninahitry mendriky anao fo.
Indesa amy lavaka lion basy izy.
Zan̈ahary araiky tsy voly tompoenao
hamonjy anao.
Adosoa vato io!
Daniela,
Daniela.
Ampanjaka,
irarian̈a anao ho lava viloman̈a.
Mbala velon̈o izy!
Ampanongay izy!
Nan̈iraka anjelinany Zan̈aharinaka,
ke anjely aby io namody vavandro lion aby io.
Ke iro lion aby io tsy nahavita nandratra zaho,
fotony hitany fa
zaho tsy nanantsin̈y.
Baka io koa zaho panjaka
tsy mba nan̈ano raha ratsy taminao.
Alaiko Armenia.
Daniela tsy nahay nan̈araraotro iro.
Atsika mila sovaly maro tsarabendro io
amy tafikintsika,
ndreky sasany ataoko ninaka.
Tsy man̈ino,
alaiva Armenia.
Ninaka ndraiky Baktirianin̈y
ndreky iro vatosoa aby an̈y.
Tsao mbala tsy tokony zio anaro
hizarazara fanjakan̈any Daniela e!
Zahava ambadiky ao!
Fa ino ma midimiditry be karaha ty?
Anaro samborin̈y fotony anaro
voaheloko nanohitry panjaka Dariosy!
Daniela nirahiny panjaka hisamborin̈y
fa tsy zahay.
Daniela ’fa nisamborin̈y,
ndreky ’fa nampanongain̈a tamy maraindrain̈y in̈y
fa tsy naratra foeky nata ny hely.
Ahia?
Mety ’fa voky donko iro lion aby io.
Na iro mety marary.
Lion aby io marary?
Tsy tihihinan̈a e?
Alatsaha andavaka an̈y iro ndreky lafamindro,
an̈y iro mahita tsarabe lion tsy tihihina zen̈y!
A Dariosy e!
Aha!
Dariosy,
mifon̈o!
Dariosy!
Zahay kony nanompo anao e!
Zah’ nanompo anao fo kony e!
Dariosy!
Aza atsipy an̈y zahay e!
Dariosy!
Aza atsipy an̈y zahay panjaka!
Mifon̈o tompoko anao!
Man̈aboaka didy zaho fa tokony hangorohoro
man̈oloan̈a Zan̈ahariny Daniela
ndreky havozo izy,
olo amy faritry jiaby man̈eran̈a fanjakan̈anaka.
Fotony izy Zan̈ahary velon̈o
ndreky maharitry mandrakizay.
Fanjakan̈anany tsy ho ravan̈a foeky.
Avio Fanjakan̈anany,
maharitry mandrakizay...
“Izy mamonjy ndreky mankafaka,
man̈ano famantaran̈a ndreky raha mahagaga,
amy lan̈itry an̈y ndreky ambony tany eto,
fotony izy namonjy Daniela tamy tan̈any lion.”
Dariosy nanoratra zen̈y?
Izio nalefany tamy vahoakanany jiaby.
Zahay niasa loha mare.
Anao navozo?
Zaho navozo mare,
fa izy fo,
Jehovah man̈ampy atsika
izikoa atsika fa mavozo.
I papa ndreky mama mavozo
handeha Jerosalema.
I Efera!
Zahay mbala tsy ten̈a nanapakevitry.
Anao ke?
Anao mba hody?
Volan̈iny panjaka atsika jiaby mahazo mandeha.
Zaho mba tihandeha hody,
fa izy fo,
zaho fa tsy afaka eky.
Zaho koa tsy handeha!
Aha, tsy karaha zen̈y.
Aza mitomoan̈y.
Anao koa mandeha an̈y,
anao hahita tanàna tsara,
tsaratsarany araiky nialako tamy zen̈y.
Anao hahita faminanian̈a tanteraka,
baka io tanàna feno olo manompo Jehovah,
ndreky tempoly vaovao,
tran̈o farany tsara ambony tany eto.
Hitanao olo ambadikintsika in̈y?
Aha, zaho niany tsy nahita izy.
Hitako i Ely mipetraka
ambadikintsika ao in̈y tandraraiky zay...
Fa mifen̈a midoko marikitry Jehovah fo.
Izy tsy maintsy hitahy anao.
“Raha araiky fo
mba angatahiko amy Zan̈aharinaka,
amy Jehovah,
ia zen̈y fo tadiaviko,
mba hipetrahako an̈aty tran̈ony Jehovah
aminy andra jiaby hiain̈ako,
amy zen̈y zaho
hahita hatsaran̈any Jehovah Zan̈aharinaka,
baka io koa
ho ravoravo mizaha
tempolinany.”
Daniela,
anao mila mangala kajo.
A Daniela,
anao ten̈a tian̈a.
Zaho nirahin̈y handeha aminao.
Anao aza mavozo Daniela.
Efa nitandrin̈esan̈a volan̈anao
rango taminandra voanalohany
nifen̈anao mare hahazo hevitry raha jiaby,
ndreky hanetry ten̈a man̈oloan̈a Zan̈aharinao.
Ke zaho navy
handeha han̈ambara anao,
raha handeha hahazo firenenanao
an̈y amparany an̈y.
Sempotro zaho zen̈y.
Zaho zen̈y efa tsisy angovo eky an̈atiko ato.
Anao aza mavozo.
Anao ten̈a tian̈a.
Anò hanan̈a fiadan̈ana anao.
Mahireza,
mahireza!
Indesa volan̈anao tompoko anao,
fa efa nankahery zaho anao.
Hikoran̈iko aminao raha voasoratra
amy bokiny fahamarin̈ana:
“Mbala hisy panjaka telo hitsangan̈a a Persa,
ary araiky fahefatra hamory harian̈a maro
mandilatra iro hafa jiaby.”
A tompoko anao,
mba mety hikoran̈inao han̈ano
karakory hiafarany zen̈y?
Sambatra lan̈iany miambin̈y ampaharetan̈a.
Mahareta firaka amy farany.
Anao hangala kajo,
kanefa koa amparany an̈y,
anao hitsangan̈a mba hazahoanao anjaranao.
Fa zahay koa mihinan̈a hanin̈y aby io,
tsy man̈araka volan̈a Zan̈aharinay.
Anao mavozo Zan̈aharinaro?
Ia tompoko anao.
Mahay mivolan̈a hevitry nofy
Zan̈aharinaka Jehovah.
Haiko tsarabe fa izy,
handeha han̈ambara raha zen̈y aminaka.
Jehovah efa von̈ono mare
han̈amia raha ilainy panomponany.
Zaho mahay tsarabe Jehovah.
Ke izikoa zaho matoky izy,
amiany hatsaran̈a.
Tsy haiko ndraiky amy fomba akory zen̈y,
fa izy fo karaha zen̈y.

Daniela: Olo Nanan̈a Finoan̈a Ankitin̈y: Fizaran̈a 2