JW subtitle extractor

Èske w pa janm anvi
mande Bondye:
‘Kiyès ou ye?
Ki kote w ye?
Èske w gen sousi
pou mwen?’
Anpil moun poze
kesyon sa yo.
Pandan plizyè syèk,
moun toupatou
nan monn nan
te wè l nesesè pou yo
konnen Kreyatè yo a.
Imajine yon fi
ki pa t janm konn
papa l.
Pandan tout lavi l,
yo te ba l manti,
yo te fè l konprann
papa l abandone l.
Men, nan fon kè l,
li te konnen se pa t
laverite.
Yon jou,
li resevwa yon lèt
papa l voye pou li.
Li vin aprann papa l
vivan,
e san l pa t konnen,
papa l t ap eseye
fè pati lavi l
depi jou l te fèt.
Pitit fi a aprann
kiyès papa l ye,
e avèk letan,
li te jwenn papa l.
Yo te aprann
konnen youn lòt,
yo te vin gen yon
relasyon sere sere
e yo te vin bon zanmi.
Bib la tankou
yon pil lèt
Papa nou ki nan
syèl la voye pou nou.
Tank n ap li Bib la,
nou aprann fason
pou n pale ak Bondye,
fason li reponn nou
ak plizyè fason
li demontre jan l
gen sousi pou nou.
Bib la ede n fè
yon bagay
nou pa t ap janm
panse ki ta ka posib:
Vin zanmi Bondye.
Zanmitay sa a
kòmanse lè n
aprann non nouvo
Zanmi nou an,
Papa nou ki syèl la.
Li fè nou konnen
non l:
“Ou menm,
ki rele Jewova,
ou se Sila a
ki nan pi gwo
pozisyon an.”
Jewova ban nou
asirans
‘si nou pwoche
bò kote l,
l ap pwoche
kote nou’.
Papa nou ki
renmen nou an
envite tout moun
k ap chèche l pou
vin zanmi l.
Èske w ap aksepte
envitasyon l lan?
Pou w aprann plis sou
sa Bib la di sou sa
ak sou lòt sijè ankò,
ale sou jw.org.

Ki jan l fè posib pou nou zanmi Bondye?