JW subtitle extractor

Gindindan tu aba pe
kadal bare pusajimata?
Szosztar szi o trajo?
Szar saj avasz
csacsesz boldoga?
Szo avla amenca,
pala szoszte merasz?
Kana o Del kamel ame,
atuncsi szosztar szi kettyi duk?
Saj zsukarasz jek majlaso trajo?
Szo gindisz, pusztilape i phuv?
But manusa mindig is rodenasz
vorba pe kadala pusajimata.
Szi kon karing le majphure boldenpe,
szi kon karing le rasaja,
kavera pale karing le tudósa
karing le gogyaver manusa.
De but zsene csi na csi
gindonpe pe keszave pusajimata.
De saj rakhasz vorba pe kadala
ande le Devleszki vorba, andi Biblia.
Kodo csacsimo, taj gogyaverimo
szo ande kadi ginagyi szi,
khatar o majbaro Del avel,
kon kerdasz i intrego luma.
Kado kodo szikavel, ke i Bibila vorbil pa kodo,
ke szar boldelpe o paji,
taj le naszvalen rigate te sasz
te na phergyaren ame,
taj vi pe kodo szar avri dicsol i phuv,
pedig pe kadala le tudósa
bute bersenca pala kodo avile opre.
Pasa kado i Biblia gogyaver vorbi del ame, zsutin boldoga te avasz,
tele te marasz o stresszo,
taj jek laso trajo te trajinasz.
Kadal lase vorbi inke vi akank
zsutin bute zsenenge.
O Del kado phenel amenge:
„Me, Jehova szim tyo Del,
kon pe kodo szityarav tut,
szo lasoj tuke, kon pe kodo drom ingrav tut,
pe szoszte trobul te phiresz.”
Aba but millióva manusa opre pinzsarde,
ke i Biblia lase vorbi del pe trajoszke
bare pusajimata.
Vi tu kameszasz te zsanesz szo phenel?
Rode po jw.org rig, kaj szo ive saj reszesz
i Biblia, taj keszave cikkura, taj videóvura,
szo zsutin vorba te rakhesz pe tye pusajimata.

Kaj saj rakhesz vorba pe trajoszke bare pusajimata?