JW subtitle extractor

Gen anpil moun
ki kwè nan Bondye
e ki ta renmen gen
bon relasyon avè l.
Men, yo pa chwazi antre
nan okenn relijyon.
Yo pito adore Bondye
poukont yo.
Poukisa?
Gen kèk moun ki santi
yo desi lè yo vin konnen
vyolans relijyon lakòz,
jan moun ki alatèt
relijyon yo nan ipokrizi
oswa yo santi relijyon
pa vrèman itil yo jounen jodi a.
Èske w dwe fè pati yon relijyon
pou w adore Bondye?
Sa Bondye panse sou sa?
Bib la fè nou konnen
ki jan moun nan tan lontan
ki te fidèl yo, tankou Abraram,
te konn adore Bondye.
Abraram te tèlman gen yon
relasyon pèsonèl ak Kreyatè l la,
‘yo te vin rele l zanmi Bondye’.
Li te suiv prensip Bondye yo
nan lavi l e l te aprann
moun lakay li pou yo
fè menm bagay la.
Menm jan ak anpil moun
fidèl Bib la pale de yo,
Abraram, moun lakay li
ak sèvitè l yo te konn adore
Bondye ansanm ak lòt moun.
Annapre, Bondye te mande
ni Izrayelit nan tan lontan yo
ni kretyen nan premye syèk la
pou yo mete ansanm
pou yo adore l.
Lè yo te rasanble,
yo te konn li nan woulo yo
e yo te konn esplike yo,
yo te konn chante
e yo te konn priye ansanm.
Yo te rele gwoup moun sa yo
k ap adore Bondye a
kongregasyon.
Bib la pale de kongregasyon
ki te egziste nan premye syèk la
nan Azi minè ak nan Ewòp.
Dayè, gen anpil pawòl nan Bib la
ki pa t ap fè sans
si Bondye pa t mande
pou nou fè pati
yon kongregasyon
pou nou adore l.
Pa egzanp, 1 Korentyen 1:10
di moun k ap adore
Bondye yo pa dwe divize.
Yo dwe byen ini nan menm
panse ak nan menm opinyon
sou bagay ki gen rapò
ak Bondye.
Si yon moun ap adore
Bondye poukont li
e l pa fè pati yon kongregasyon,
ki jan l ap fè suiv konsèy sa a?
Bib la montre aklè Bondye vle w
mete ansanm ak pèp li a
ki fòme yon kongregasyon
pou w adore l e pou w ba l glwa.
Li vle w reyini e pou w adore l
ansanm ak moun ki gen sousi
youn pou lòt toutbon,
moun ki vle aprann konnen l
toutbon menm jan avè w .
Men, petèt w ap mande
si gen yon kongregasyon
Bondye aksepte jounen jodi a,
ki jan w ka fè jwenn li?
Pou w jwenn plis enfòmasyon
sou sa Bib la di sou sijè sa a
ak lòt ankò, ale sou jw.org.

Èske w dwe fè pati yon relijyon pou w adore Bondye?