JW subtitle extractor

Plante man tede
oli bilif long God,
mo oli wantem kam
klosap long hem.
Nating se i olsem,
oli ting se i no impoten
blong joen long wan relijen,
oli save wosipim God
olgeta wan nomo.
?From wanem?
Samfala oli no glad long ol nogud
samting we ol relijen oli mekem,
mo oli luk se ol lida blong skul
oli no stap folem
ol samting we oli tijim,
mo sam narafala
oli harem se ol relijen
oli no moa impoten tede.
?Olsem wanem?
?Yu mas joen long wan relijen
blong yu save wosipim God?
?Wanem tingting blong God?
Baebol i tokbaot olsem wanem
sam man bifo oli wosipim God,
olsem gudfala man ya Ebraham.
Ebraham i frengud wetem God,
mo Baebol i singaotem
hem se ‘fren blong God.’
Hem i folemgud
ol loa blong God
mo i tijim ol famle blong
hem blong mekem sem mak.
Olsem ol narafala
gudfala man long Baebol,
Ebraham i joen
wetem famle blong hem
mo ol wokman blong hem
blong mekem wosip.
Biaen, long taem blong ol man Isrel
mo long taem blong
ol faswan Kristin,
God i talem se oli mas joen
tugeta blong wosipim hem.
Taem oli joen tugeta,
oli ridim Tok blong God
mo eksplenem,
oli singsing,
mo oli prea.
Oli stap joen wanples
olsem wan grup
o kongregesen
blong wosipim God.
Baebol i tokbaot ol
faswan kongregesen
we oli stap long
Esia Maena mo Yurop.
Blong talem stret,
sipos God i no askem yumi
blong joen long wan kongregesen,
bae ol samting we Baebol i talem
oli blong nating nomo.
Eksampol,
1 Korin 1:10, i talem se
ol man blong God
oli no mas seraot.
Be oli mas joengud
mo gat wan tingting nomo
blong wosipim God.
?Olsem wanem wan man
i save folem advaes ya
sipos hem i no joen wetem
ol narafala blong wosipim God?
Baebol i soemaot klia se
God i wantem se yu
mekem wok blong hem
mo yu joen wetem
ol man blong hem
blong presem hem
long kongregesen.
Hem i wantem se yu mitim
mo wosipim hem
wetem ol man we oli soemaot
se oli kea long ol narafala,
mo olsem yu,
olgeta tu oli wantem lanem
moa long saed blong God.
Be maet yu stap tingting se,
‘Sipos i gat wan relijen
we God i glad long hem,
?olsem wanem nao mi save faenem?’
Blong lanem moa samting we
Baebol i talem long saed ya
mo sam narafala topik bakegen,
yu go long jw.org.

?Yu Mas Joen Long Wan Relijen Blong Yu Save Wosipim God?