JW subtitle extractor

საიდან იღებს სათავეს შობა-ახალი წლის ტრადიციები?

Video Other languages Share text Share link Show times

შობა-ახალი წლის დღესასწაული
ბევრისთვის წლის განსაკუთრებული პერიოდია,
რადგან ოჯახთან ერთად ატარებენ დროს და მხიარულობენ.
მართალია, ბევრი შობის დღესასწაულს
ქრისტეს დაბადებასთან აკავშირებს,
მაგრამ, საინტერესოა,
რომ ქრისტეს პირველი მიმდევრები
არ აღნიშნავდნენ მის დაბადების დღეს.
უფრო მეტიც, შობის აღნიშვნის იდეა
ბიბლიაში საერთოდ არ გვხვდება.
მაშ, საიდან იღებს სათავეს ეს დღესასწაული?
შობა-ახალი წლის ტრადიციები,
რომლებიც სხვადასხვა ქვეყანაში სხვადასხვანაირად აღინიშნება,
წარმართული წეს-ჩვეულებებიდან
და ცრურწმენებიდან მომდინარეობს.
მაგალითად, ძველი ევროპელების, კელტების წარმოდგენით,
ზამთრის გრძელი ღამეები იმაზე მიანიშნებდა,
რომ მზემ მოძრაობა შეწყვიტა.
კელტები ფიქრობდნენ,
რომ თუ ხის მორს ცეცხლს მოუკიდებდნენ,
მზე მოძრაობას გააგრძელებდა.
ისინი სახლებს მარადმწვანე მცენარეებითაც რთავდნენ,
რომ თავი ბოროტი სულებისგან დაეცვათ.
ამ ჩვეულებებს ქრისტემდე საუკუნეებით ადრე მისდევდნენ,
რამაც ჩვენამდე საშობაო ნაძვის ხისა
და დეკორაციების სახით მოაღწია.
ბიბლია ქრისტეს დაბადების თარიღს არ გვიმხელს.
თუმცა ვიცით, რომ იმ ღამეს, როცა იესო დაიბადა,
მწყემსებს ცხვარი გარეთ ჰყავდათ დატოვებული,
რასაც ცივ ზამთარში არ გააკეთებდნენ.
მაშ, რატომ აღნიშნავენ ქრისტეს შობას ზამთრის პერიოდში?
ძველი რომაელები ზამთარში მიწათმოქმედების ღმერთის,
სატურნის პატივსაცემად დღესასწაულს მართავდნენ.
ეს დღესასწაული ერთკვირიანი
ღრეობისა და საჩუქრების გაცვლა-გამოცვლის შემდეგ,
25 დეკემბერს, მზის ღმერთის, მითრას დაბადების დღით მთავრდებოდა.
იესოს სიკვდილიდან რამდენიმე
ასეული წლის შემდეგ, Მე-4 საუკუნეში,
ეკლესიის წინამძღოლებმა
ეს წარმართული რომაული დღესასწაული
ქრისტეს დაბადებას დაუკავშირეს და მისი აღნიშვნა დაიწყეს.
შობა-ახალი წლის ტრადიციის განუყოფელი
ნაწილი სანტა-კლაუსიც გახდა.
მასში სხვადასხვა მითოლოგიური გმირის სახეა გაერთიანებული,
რომელთაგან ზოგი ცაში დაფრინავდა,
ზოგი ბავშვებს ასაჩუქრებდა,
ზოგი კი ცუდი საქციელისთვის სჯიდა.
1900-იანი წლების დასაწყისში
სანტა კლაუსის პერსონაჟის გამოყენება
სარეკლამო კომპანიებმა დაიწყეს.
რის შემდეგაც შობა-ახალი წლის დღესასწაული
ბიზნესისთვის ერთ-ერთი ყველაზე შემოსავლიანი პერიოდი გახდა.
ფაქტია, დღეს ბევრისთვის შობა-ახალი წელი
უბრალოდ ოჯახური დღესასწაულია,
როცა დროს ერთად ატარებენ
და ერთმანეთს საჩუქრებს ჩუქნიან.
ერთი შეხედვით, ამაში თითქოს ცუდი არაფერია,
თუმცა, როგორც დავინახეთ,
შობა-ახალი წლის ტრადიციებს,
ქრისტიანობასთან არაფერი აქვს საერთო.
დაფიქრებულხართ, რა დამოკიდებულება აქვს ღმერთს
და თავად იესოს ამ ტრადიციების მიმართ?
როგორც იესომ თქვა,
ღმერთს სურს, რომ ჭეშმარიტებით ვცეთ თაყვანი.
დაფიქრდით, შესაძლებელია ღმერთს ჭეშმარიტებით ვცეთ თაყვანი,
თუ აღვნიშნავთ დღესასწაულს,
რომელიც სიცრუიდან იღებს სათავეს.
მილიონობით ადამიანმა,
რომლებსაც ერთ დროს შობა უწყინარ დღესასწაულად მიაჩნდათ,
სიმართლის გაგების შემდეგ მისი აღნიშვნა შეწყვიტა.
ახლა ისინი წლის ნებისმიერ დროს იკრიბებიან ოჯახთან ერთად,
მიირთმევენ საკვებს და ერთმანეთს საჩუქრებს ჩუქნიან
და არც იმის შიში აქვთ,
რომ ღმერთს გულს ატკენენ.
თუ გსურთ, მეტი გაიგოთ,
რას ამბობს ბიბლია ამ და სხვა მრავალ საკითხზე,
ეწვიეთ ვებ-საიტს jw.org