JW subtitle extractor

Pa txeu algen, Natal é un ténpu spesial di anu,
un dia pa pasa ténpu ku família i pa faze fésta.
Má sikrê txeu algen ta atxa ma Natal
é pa komemora nasimentu di Jizus,
bu sabia ma kes primeru sigidor di Jizus
ka ta komemoraba se aniversáriu?
I ma nen palavra “Natal”
i nen mésmu ideia di komemora aniversáriu di Jizus
ka ta parse na Bíblia?
Nton, modi ki Natal kumesa ta komemoradu?
Pensa na kes kuza li:
manera ki Natal ta komemoradu oji é diferenti di un lugar pa kel otu,
má tudu es é un mistura di kustumus
ki ka ten bazi na Bíblia i di superstisons.
Alguns povu antigu na Europa, sima Séltas,
ta kriditaba ma kes noti más kunpridu na invérnu
éra pamodi sol para di movimenta.
Pur isu, es ta sendeba fogera asi pa sol movimentaba otu bês.
Tanbê es ta dikoraba ses kaza ku plantas ki txoma azevinhu,
pamodi es ta kriditaba ma kel-la ta protejeba ses família di mal.
Kes kustumu li ki ka ten bazi na Bíblia
kumesa txeu ténpu antis di Kristu i ti inda oji nu ta odja-s
na arvis di Natal i na otus dikorason.
Bíblia ka ta fla ki dia ki Jizus nase.
Sô el ta fla ma pastoris staba na kanpu ku ses ovelha,
na kel noti ki Jizus nase.
I kel-li ka éra un kuza ki es ta fazeba duránti invérnu.
Nton, pamodi ki ta komemoradu aniversáriu di Jizus na dizenbru?
Kes romanu di ténpu antigu ta fazeba un fésta di invérnu
pa daba ónra pa Saturnu, ki éra ses deus di agrikultura.
Dipôs di más di un simana ta da kunpanheru prezentis
i ta faze féstas na undi ki pesoas ta bebeba txeu,
kel komemorason ta tirminaba dia 25 di dizénbru,
ki éra aniversáriu di deus-sol ki txomaba Mitra.
Uns 300 anu dipôs di mórti di Jizus,
xéfis di relijion kumesa ta uza kel data li pa komemora nasimentu di Jizus.
I es mistura kustumus ku tradisons ki ka
ten bazi na Bíblia ku kel ki Bíblia ta fla.
Má di undi ki stória di Pai Natal ben?
El é un mistura di personájens inventadu ki ta bua na séu,
ki ta da kes mininu ki ta konporta dretu prezentis i dósi
i es ta kastiga kes ki ta konporta mariadu.
Pa vólta di anu 1915,
komersiantis kumesa ta uza dizenhus di Pai Natal
pa insentiva pesoas pa kunpra kuzas duránti kel époka.
Désdi kel ténpu, Natal bira un époka ki inprézas ta ganha más dinheru.
É klaru ki txeu algen ta festeja Natal
sô pa es pode pasa ténpu ku kes algen ki es ta ama,
kume un kumida sábi i da kunpanheru prezentis.
Pode parse ma ka ten nada mariadu faze kel-li.
Má sima nu odja, kes kustumus i tradisons
sobri Natal ten bazi na adorason falsu.
Ta faze diferénsa sabe modi ki kes kustumu li kumesa?
Modi ki Deus i Jizus ta xinti?
Jizus fla ma Deus krê pa nu adora-l ku verdadi.
Pensa na kel-li:
si nu krê adora Deus sima el ta krê,
nu ta komemoraba un feriadu ki ten kustumus i tradisons
ki ta faze párti di adorason falsu?
Milhons di algen ki ta atxaba ma komemora Natal é ka mariadu
prende verdadi sobri Natal i es disidi ka komemora-l más.
Duránti anu, txeu bês, es ta sta djuntu ku ses família,
es ta kume kumida sábi
i da kunpanheru prezentis,
sen fika preokupadu ma es sta ofende Deus.
Pa bu sabe kuzê ki Bíblia ta fla sobri kel asuntu li
i txeu otus asuntu, bai na jw.org.

Modi ki Natal kumesa?