JW subtitle extractor

Séu ku Téra é uma grandi
i es ta pô-nu dimiradu.
Téra i vida ki ten na el
ta funsiona di un manera ki tanbê ta dexa-nu dimiradu.
Modi ki tudu kuza kumesa?
Génesis, ki é un livru di Bíblia,
ta fla ma ten un Kriador.
Má txeu algen ka ta ntende dretu
kuzê ki livru di Génesis ta fla
ô ti es ta atxa ma el é un stória inventadu.
Nu pode kridita na kel ki Bíblia ta fla
sobri modi ki Séu ku Téra fazedu?
Sientistas ta fla ma Séu ku Téra
dja ten uns 14 bilhon di anu.
Kel-li krê fla ma Séu ku Téra tevi un komésu,
i Bíblia ta konkorda ku kel-li.
Génesis 1:1 ta fla:
‘Na komésu Deus faze séu ku Téra.’
Bíblia ka ta fla na ki ténpu ô modi
ki Séu ku Téra kumesa.
Má, el ta fla-nu modi ki kada kuza fazedu li na Téra,
duránti 6 piriúdu di ténpu,
ki Bíblia ta txoma di 6 dia.
Má nu pode fla ma é 6 dia di 24 óra
sima txeu algen ta kridita?
Nau.
Kel palavra ebraiku ki na Bíblia traduzidu pa “dia”
pode ser más ki un piriúdu di ténpu.
Génesis ti ta pâpia di kes 6 dia di kriason
sima un dia.
El ta fla:
‘Kel dia ki Jeová Deus faze Séu ku Téra’.
Na livru di Génesis kapítlu un,
kada “dia” pode ser un piriúdu ki dura txeu ténpu.
Tanbê é inportanti nu lenbra
modi ki livru di Génesis skrebedu.
Kel algen ki skrebe-l,
pâpia di kes piriúdu di kriason
di manera ki un algen na Téra ta ntendeba.
Un algen na Téra
talvês ta odjaba kuzas ta kumesa kontise
na un piriúdu di ténpu
i es kontinuaba ta kontise na kes otu piriúdu di ténpu.
Lus entra na atimosféra pa sipara dia ku noti.
Téra staba kubértu di agu
i ar staba xeiu di vapor.
Kel vapor sipara di kel agu ki staba ta kubri Téra
i el forma un spasu entri núven i agu.
Agu kumesa ta dixi ti ki parse txon séku.
Dipôs kumesa ta parse kes primeru planta.
Atimosféra fika más klaru,
ti ki ta da pa odjaba sól ku lua.
Deus faze kes animal ki ta sta na mar
i kes animal ki ta bua na séu.
I na kel últimu píriudu,
Deus faze animal ki ta vive na téra i algen.
Otus párti di Bíblia
ki ta konkorda ku kuza ki sta na livru di Génesis,
ta fla: ‘É klaru ki tudu kaza ten un algen ki faze-l,
má ken ki faze tudu kuza é Deus.’
Bíblia ka ta pâpia di siênsia tintin pa tintin.
Má kuza ki el ta fla di kriason é izatu i ta faze sentidu.
Bíblia tanbê ta responde otus pergunta
di manera izatu i ki ta faze sentidu.
Pamodi ki Deus faze Téra?
Pamodi ki nu sta li?
Kuzê ki ta ben kontise na futuru?
Pa sabe respósta di Bíblia,
bai na jw.org
ô prenxe pididu na internet pa un Tistimunha di Jeová
vizita-u na óra i na lugar ki bu krê.

Tevi un algen ki faze Séu ku Téra?