JW subtitle extractor

Yumi sapraes blong luk
we yunives i bigwan we i bigwan.
I had blong kasem save fulwan
long wol ya
mo ol laef samting long hem.
?Hao nao yunives i stat?
Buk blong Jenesis i tokbaot se i gat wan Krieta.
Be plante man oli no kasem save
o gat rong tingting
long stori blong kriesen we buk ya i tokbaot.
?Olsem wanem?
?Samting we Baebol i talem long saed blong yunives i tru?
Ol saentis oli talem se
maet yunives i bin stap 14 bilian yia finis.
Samting ya i soemaot se yunives,
inkludem wol,
i gat stat blong hem.
Baebol tu i agri long samting ya.
Jenesis 1:1 i se:
“Long stat God i mekem heven mo wol.”
Baebol i no tokbaot wetaem o hao
nao yunives i stat.
Be hem i tokbaot ol defren samting
we God i wokem long wol ya
long sikis defren taem
we Baebol i kolem se ol dei.
?Hemia 6 dei blong 24 aoa,
olsem plante man oli bilif?
Nogat.
Long Baebol,
Hibru wod we oli tanem i kam ‘dei,’
i save minim longfala period blong taem.
Iven Jenesis i tokbaot ol 6 dei blong kriesen
olsem wan dei,
“dei ya we Jehova God i mekem heven mo wol.”
Taswe, ol wanwan dei we Jenesis i tokbaot,
i mas minim wan longlongfala period blong taem.
Mo tu, fasin blong deskraebem ol period ya
i impoten.
Man we i deskraebem ol period ya,
i olsem we hem i stap long wol ya
mo i luk ol samting we oli hapen.
Hem i luk ol samting we oli hapen long faswan period,
mo ol samting we oli hapen long ol narafala period.
Long faswan dei,
laet i gotru long atmosfia
blong mekem se i gat dei mo naet.
Long seken dei,
wota mo tik klaod i kavremap olgeta ples long wol.
Tik klaod ya i seraot long wota we i stap long wol,
mo i mekem wan spes bitwin tufala,
mo hemia skae.
Long namba tri dei,
wota i godaon,
drae graon i kamaot,
mo ol fas plant oli stat gru.
Long namba fo dei,
atmosfia i kam klia,
mo laet blong san mo mun i kasem wol.
Long namba faef dei God i krietem olgeta
laef samting long solwota
mo ol pijin,
mo long namba sikis dei,
God i wokem ol narafala animol
wetem faswan man mo woman.
Stori ya long Jenesis,
i joen gud wetem tok ya long Baebol we i se:
“Yes i tru, evri haos i gat man we i wokem,
be God i wokem olgeta samting we i stap.”
Baebol i no wan buk blong sayens,
be samting we hem i talem long saed blong kriesen,
i tru mo i gat mining.
Mo tu, Baebol i givim ansa long plante
narafala impoten kwestin olsem:
?God i mekem wol ya blong wanem?
?Wanem mining blong laef?
?Wanem fiuja blong yu?
Blong luk ol ansa we Baebol i givim,
yu go long jw.org
o fulumap wan fom long intenet,
blong wan Witnes blong Jehova i kam visitim yu
long taem mo ples we i stret long yu.

?Olsem Wanem Yunives i Stat?