JW subtitle extractor

Ինչպե՞ս է տիեզերքն առաջացել

Video Other languages Share text Share link Show times

Տիեզերքն անծայրածիր է ու զարմանահրաշ։
Երկիրը և երկրի վրայի կենսաբազմազանությունը
աներևակայելիորեն բարդ են։
Իսկ ինչպե՞ս է այս ամենն առաջացել։
Աստվածաշնչի «Ծննդոց» գրքում ասվում է,
որ գոյություն ունի Ստեղծիչ։
Սակայն այս գիրքը հաճախ սխալ է մեկնաբանվում
կամ համարվելով առասպել՝ լուրջ չի ընդունվում։
Արդյո՞ք այն, ինչ Աստվածաշունչն ասում է
տիեզերքի ծագման վերաբերյալ, տրամաբանական է։
Ըստ գիտնականների հաշվարկների՝
տիեզերքը 14 միլիարդ տարեկան է։
Դա նշանակում է, որ տիեզերքը,
ինչպես նաև երկիրը, սկիզբ են ունեցել։
Աստվածաշունչը հաստատում է դա։
Ծննդոց 1։1-ում ասվում է.
«Սկզբում Աստված ստեղծեց երկինքն ու երկիրը»։
«Ծննդոց» գիրքը չի հայտնում, թե
երբ և ինչպես է տիեզերքը արարվել։
Սակայն այդ գրքից իմանում ենք,
թե արարչագործությունն ինչ փուլերով է ընթացել
6 ժամանակահատվածների ընթացքում,
որոնք Աստվածաշնչում կոչվում են օրեր։
Արդյո՞ք սրանք 24 ժամյա վեց օրեր էին,
ինչպես պնդում են շատերը։
Ո՛չ։
Աստվածաշնչում «օր» թարգմանված եբրայերեն բառը
օգտագործվում է տարբեր
ժամանակահատվածներ մատնանշելու համար։
«Ծննդոց» գիրքը նույնիսկ
այդ վեց օրերը անվանում է
մեկ օր՝ ասելով՝ «այն օրը, երբ
Եհովա Աստված արարեց դրանք»։
Ծննդոց առաջին գլխում նշված ամեն «օրը»
պետք է որ չափազանց երկար
ժամանակահատված լիներ։
Կարևոր է նաև այն,
թե ինչպես է այդ գրքում նկարագրվում
արարչագործության ընթացքը։
Արարչագործության փուլերը նկարագրվում
են երկրի վրա գտնվողի տեսանկյունից։
Եթե ինչ-որ մեկը այդ ժամանակ երկրի վրա լիներ,
կտեսներ, թե ինչպես են այդ
փուլերը հաջորդում մեկը մյուսին։
Լույսը ներթափանցում է մթնոլորտ,
և սկսում են երևալ գիշերն ու ցերեկը։
Երկիրը ծածկված է ջրով և պատված գոլորշու շերտով։
Այդ խիտ ամպերը բարձրանում են վեր,
որի հետևանքով առաջանում է տարածություն դրանց
և ջրային մակերևույթի միջև,
որը կոչվում է երկինք։
Մակերևութային ջրերը իջնում են, և երևում է ցամաքը։
Հետո հայտնվում են առաջին բույսերը։
Երկրի մակերևույթից տեսանելի
են դառնում արևն ու լուսինը։
Աստված ստեղծում է ծովային
կենդանիներ ու բազմաթիվ թռչուններ։
Վերջում ստեղծվում են ցամաքային կենդանիներն ու մարդիկ։
Աստվածաշնչի մյուս գրքերը համահունչ են
«Ծննդոց» գրքի արձանագրությանը։
Այնտեղ գրված է
«Անշուշտ, ամեն տուն ինչ-որ
մեկի կողմից է կառուցվում,
բայց ով բոլոր բաները կառուցեց, Աստված է»։
Աստվածաշունչը գիտական մանրամասներ չի հայտնում,
սակայն այն, ինչ գրված է արարչագործության մասին,
խելամիտ է և տրամաբանական։
Աստվածաշունչը խելամիտ և
տրամաբանական բացատրություն է տալիս
նաև այլ կարևոր հարցերի վերաբերյալ։
Ի՞նչ նպատակով է ստեղծվել մեր մոլորակը։
Ո՞րն է կյանքի իմաստը։
Ի՞նչ է սպասվում ապագայում։
Այս հարցերի պատասխանները իմանալու համար
այցելեք jw.org® կայք կամ լրացրեք օնլայն հայտը,
որպեսզի Եհովայի վկաներից մեկը այցելի
ձեզ հարմար ժամին և ձեզ հարմար վայրում։