JW subtitle extractor

Tena mivelatse sady mahaveregne
ze kila raha iaby.
Hoe izay ka ty tane toy naho ty fiaignagne.
Faie akore ty nampisy o raha rehoe?
Rehafe ty boke i Genesisy fa misy ty Mpamorogne.
Faie maro ty ndaty mihevetse io ho talily avao
satria tsy azo iareo ty teà o boke io ho rehafegne.
Ino ty rehafe ty Baiboly miomba ty
niatomboha ze kila raha?
Tombagna o mpahay siansao
eo amy ty 14 000 tapetrisa taogne
ty nisia ze kila raha.
Nisy niatomboha’e areke ze kila raha,
agnisa izay o taneo.
Izay ka ty rehafe ty Baiboly amy Genesisy 1:1 toy tie:
Maregne fa tsy rehafe’e ao tie,
mbia sady akore ty niatomboha ze kila raha.
Fe rehafe ty Baiboly ty filahara ty
namorognagne ty raha an-tane etoy
tagnate ty fe-potoagne enegne ndra enegne andro.
Tagnate ty enegne andro misy 24 lera iaby vao zay?
Tsy izay.
Satria tsy voatere ho andro raike ty dika ty
rehake hebreo tihoe “andro” amy Baiboly ao
Maregne fa hoe andro ty fomba irehafa’e
i 6 andro namorognagne rey,
Faie tsy maintsy ho fotoagne lavalava o “andro
” rehafe i Genesisy toko voaloha’e reo.
Tena mazava soa ka ty fomba irehafa i mpanoratsey aze.
Hoe fa teo reke mba handineke ty tane toy
naho henteagne ty fomba nirehafa’e
ty fotoagne namorognagne aze.
Naho nisy ndaty ty teto tamy izay,
le tsy maintsy ho nihita’e ty raha niseho
nanomboke tamy ty andro raike
amparake ty hiavia ty fotoagne magnarake.
Nanomboke nisy ty mazava naho ty halegne
naho fa nisy hazavagne niavy tan-tane etoy.
Mbe nifeno rano naho entogne hey ty tetoy tamy izay.
Nisarake amy izay iareo,
le nanjare nisy elagnelagne.
Nihegne ka i ranoy,
le niboake i tane maikey naho ty raha nitiry voaloha’e.
Nihanazava soa ka ty tambone tey,
le nitrea boake etoy ty hazavà i masoandroy naho i volagney.
Namorogne ty raha manan’aigne agnate rano agne
naho ty raha mitiligne ka ty Andrianagnahare.
Tamy ty fara’e,
le namboatse biby naho ndaty reke.
Mifagnarake amy ty boke i Genesisy
ty andine’e hafa toy tie:
Tsy mirehake pitsopitson-draha miomba
ty siansa ty Baiboly
faie azo antoke ty raha rehafe’e
miomba ty famorognagne.
Mamale fagnonteneagne maro hafa
tena lahibey ty Baiboly.
Ohatse,
ino ty anto’e namorognagne ty tane toy?
Inogne ty anto’e ivelomantikagne?
Hanao akore ty hoavy?
Naho tea’o ty hahay ty vale’e mea ty Baiboly,
le miziliha amy jw.org®
ndra fenò tihoe hangatake hotilihegne amy internet ao
amy izay hisy Vavolombelo i Jehovah hitilike azo
amy ty lera naho ty fotoagne mete ama’o.

Nisy Namorogne Vao ze Kila Raha?