JW subtitle extractor

Bevata raha iaby zao
sady mahatseriky.
Mahatseriky sady maro tsipiriany ty tany
noho ty raha manan’ay aminy eo.
Akory ty nampisy raha iaby reo?
Mivola ty Bokini-Genesisy
fa misy ty Mpamoro.
Fe maro ty tsy mahay soa
ty raha resahiny
sady misy koa ty mieritseritsy hoe
angano avao raha zay.
Tena marina va
ty raha resahini-Baiboly mikasiky
ty niantombohani-raha iaby zao?
Mpahay siansy maro ro mino hoe
fa ho 14 tapitrisa tapitrisa tao
ty nampisy raha iaby zao.
Midika zay fa nana fiantomboha
ty raha iaby,
anatini-zay koa ty tany.
Ho zay mihintsy ty volanini-Baiboly
amy Genesisy 1:1 ao hoe:
“Tamy voalohany,
le namoro ty lanitsy noho ty tany
Ndranahary.”
Tsy resahiny ao hoe nombia
na tamy fomba akory
ty niantombohani-raha iaby zao.
Ty fomba namorona-Ndranahary
ty raha manan’ay an-tany etoy
tanatini-fotoa eny
ro tena tantaraniny ao.
Kaihini-Baiboly hoe andro fotoa reo.
Andro raiky misy 24 lera
araky ty eritseritsin’olo va
eny andro io?
Aha.
Ty safà Hebreo ampiasani-Baiboly hoe
“andro”,
le mety hanondro
halavani-fotoa sankarazany.
Ndre eny andro namorona
raha iaby reo aza
fintinini-bokini-Genesisy hoe
andro raiky,
zany hoe
ty “andro nanaovani-Jehovah Ndranahary
ty tany noho ty lanitsy.”
Tsy maintsy ho fotoa lava zany
“andro” kiraidraiky
amy Genesisy toko 1 ao reo.
Tena miavaky
ty fomba iresahani-mpanoratsy ani-raha io.
Ho raha fa tan-tany etoa ie
lafa miresaky ty fotoa
namorona ty raha iaby,
ka nahitaky ani-reo.
Fa nisy olo va tamy zay,
ka nahitaky
ty niantombohani-fotoa raiky
le bakeo mbo nahitaky
ty fotoa nanarakaraky azy?
Misy hazavà baka amy atmosfera
mba hampiavaky ty andro noho ty haly.
Rano ro nisaro ani-tany toy,
le nifeno setroky kaihy hoe
vapera koa tamy tsioky teny.
Nisaraky tamy rano nisaro ani-tany toy
setroky matevy io,
le nisy habakabaky bevata
nampisaraky an-drozy.
Nihena ty rano
ka nisy tany maiky niseho,
le bakeo nanomboky nisy
ty raha mitiry.
Nihanazava koa ty habakabaky
mba hisehoani-masoandro
noho ty volana.
Namoro ty biby anaty riaky any
noho ty voro Ndranahary.
Le tamy farany Ie
namoro ty biby an-tany etoy
noho ty olombelo.
Mivola ho zao ty Baiboly
mifanaraky amy ty fitantarani-Genesisy:
“Mazava ho azy fa nisy namboatsy
ty trano iaby,
fa ty namboatsy ty raha iaby
le Ndranahary.”
Tsy miresaky tsipiriany
manahaky boky siansy io ty Baiboly,
fe marina soa noho maharesy lahatsy
ty raha volaniny mikasiky
ty nampisy ty raha iaby.
Manome valiny mahafa-po
mikasiky fanontanea bevata hafa koa
ty Baiboly.
Ohatsy hoe:
Misy antony va ty namorona tany toy?
Ino ty antony mahavelo antsika?
Hanao akory ty hoavy?
Laha teanao ty hahita
ty valiny ameani-Baiboly
mikasiky fanontanea reo,
le milira amy jw.org® ao,
na fenò ty fangataha
amy internet ao,
le hisy Vavolombeloni-Jehovah
hitsidiky anao
amy fotoa noho pilasy
mety aminao.
.

Nisy Namoro va Raha Iaby Zao?