JW subtitle extractor

Kọ Jesu Kristi Họ Ọghẹnẹ?

Video Other languages Share text Share link Show times

Ahwo buobu a rri Jesu nọ
ọye họ ohwo nọ oriruo riẹ
ọ mai fiobọhọ kẹ ahwo no evaọ akp̣ọ na.
Rekọ Jesu họ Ọghẹnẹ Erumeru na?
Manikọ emamọ ohwo gheghe ọ jọ?
Ahwo buobu a ruẹ Jesu,
yọ‎ iku ahwo nana jọ e rrọ Ebaibol na.
Iku na i dhesẹ uzedhe ohwo nọ Jesu ọ rrọ dẹẹ.
Wọhọ oriruo, ukọ-odhiwu jọ ọ ta ẹme kẹ
oni Jesu taure o te ti yẹ Jesu, yọ ọ ta kpahe Jesu nọ,
“Ọ te jọ ruaro, yọ a ti sei
Ọmọ Ọnọ Ọ Mai Kpehru na.”
Okenọ a họ Jesu ame, Ọghẹnẹ omariẹ
o dhesẹ oghẹrẹ ohwo nọ Jesu ọ rrọ dẹẹ okenọ ọ ta nọ,
“Ọnana họ Ọmọzae mẹ,
oyoyou mẹ na, ọnọ mẹ jẹrehọ.”
Kọ eme ikọ Jesu a rọwo?
Nọ Jesu ọ nọ ae kpahe oghẹrẹ ohwo nọ
a roro nọ ọyomariẹ ọ rrọ,
Pita ọ ta nọ, “Whẹ họ Kristi na,
Ọmọ Ọghẹnẹ nọ ọ rrọ uzuazọ na.”
Kọ eme ewegrẹ Jesu a ta?
Ahwo nọ a jẹ gwọlọ kpei no
a ta oware nọ a bi ro kpei, a ta nọ
“Wọhọ epanọ uzi na o ta,
o fo uwhu keme o ru omariẹ ọmọ Ọghẹnẹ.”
Eme Jesu omariẹ ọ ta kpahe
oghẹrẹ ohwo nọ ọ ginẹ rrọ,
gbe epanọ ọyomariẹ avọ Ọghẹnẹ a ginẹ rrọ?
Ọ ta kẹ ilele riẹ nọ, “Ọsẹ na ọ rro vi omẹ.”
Makọ evaọ okenọ a kpariẹe
no uwhu ze no dede,
Jesu ọ ta kpahe oware nọ
o te via kẹe evaọ obaro inọ,
“Me bi muvrẹ bru Ọsẹ mẹ gbe Ọsẹ rai,
je bru Ọghẹnẹ mẹ gbe Ọghẹnẹ rai.”
Ebaibol na o dhesẹ vevẹ nọ Jesu avọ
Ọghẹnẹ Erumeru na yọ omọvo na ha.
Aimava na yọ ahwo sa.
Ebaibol na o tube dhesẹ dede nọ,
dede nọ Jesu yọ omama ẹzi nọ
o wo ẹgba gaga evaọ obọ odhiwu,
ọ rrọ otọ Ọghẹnẹ gbe ọsẹ riẹ ghele.
Rekọ Ọghẹnẹ ọ kẹ ọmọ riẹ obọdẹ iruo jọ,
koyehọ, re ọ kẹ ahwo-akpọ kpobi
uzuazọ ebẹdẹ bẹdẹ nọ a ti jo wo evawere;
wọhọ epanọ Ọghẹnẹ
ọ ma omaa riẹ no emuhọ ze.
Kọ eme ọfa Ebaibol na ọ ta kpahe Jesu?
Kọ Jesu o gine ru iruo igbunu?
Fikieme Jesu o ro whu?
Kọ Jesu o ti zihe ze?
Re whe gbe wuhrẹ kpahe onana,
gwọlọ iyo na evaọ jw.org
hayo jọ oria itanẹte mai na yare nọ
Osẹri Jihova jọ ọ nyabru owhẹ ze
evaọ oke gbe oria nọ
u kiehọ owhẹ oma.