JW subtitle extractor

Txeu algen ta atxa
ma Jizus é kel algen más inportanti na stória di ómi.
Má el é Deus Tudu-Poderozu?
Ô el éra sô un algen dretu?
Txeu algen txiga di konxe Jizus,
i alguns kuza ki es fla di el sta na Bíblia.
Kel-li ta djuda-nu sabe ken ki é Jizus di verdadi.
Pur izénplu,
un anju pâpia ku mai di Jizus
sobri un fidju ki el ta tinha, i el fla:
‘El ta ser grandi
i el ta txomadu Fidju di Kel Más Grandi’.
Kantu Jizus batizadu,
própi Deus fla ken ki Jizus éra:
‘Kel-li é nha Fidju,
kel ki N ta ama txeu
i ki ta da-m txeu alegria.’
Kuzê ki se disiplus ta pensaba di el?
Kantu Jizus pergunta kenha ki es ta atxaba ma el éra,
Pedru responde:
‘Abo é Kristu,
Fidju di kel Deus ki é bibu.’
Kuzê ki inimigus di Jizus ta flaba di el?
Kantu es splika pamodi ki es krê mataba el, es fla:
‘É di akordu ku lei ki el debe móre,
pamodi el sta ta faze di fidju di Deus.’
Ti mésmu Jizus
mostra ma tinha diferénsa entri el ku Deus.
El fla se sigidoris:
‘Pai é más grandi ki mi.’
Mésmu dipôs di se mórti i resureison,
Jizus fla kuzê ta kontiseba ku el:
‘N sta subi pa nha Pai i nhos Pai,
pa nha Deus i nhos Deus.’
Bíblia ta mostra klaru
ma Jizus i Deus Tudu-Poderozu,
é dôs algen diferenti.
Bíblia tanbê ta inxina ma Jizus é un kriatura
ki ten txeu puder na Séu,
má simé inda el sta dibaxu
di autoridadi di se Deus i se Pai.
Deus da se Fidju un trabadju rei di inportanti,
ki é pa da tudu algen vida i filisidadi pa tudu ténpu,
sima Deus kreba désdi komésu.
Kuzê más ki Bíblia ta fla sobri Jizus?
Jizus faze milagri mê?
Pamodi ki Jizus móre?
Jizus ta torna ben?
Pa sabe más,
djobe kel asuntu li na jw.org.
Ô prenxe pididu na internet
pa un Tistimunha di Jeová vizita-u
na óra i na lugar ki bu krê.

Jizus Kristu é Deus?