JW subtitle extractor

Ki te tokomaha ko Īhu te tangata
i tino nui tōna pānga
ki te hītori o te ao.
Engari,
ko ia tonu te Atua Kaha Rawa?
He tangata pai noa iho rānei?
He maha rātou i tūtaki ki a Īhu,
ā kei te Paipera ō rātou kōrero
e mea ana ko wai a Īhu.
Hei tauira,
i kī tētahi anahera ki te whaea o Īhu
mō tāna tama ka whānau mai:
“Ka nui ia, ka kīia hoki
ko te Tama a te Runga Rawa.”
I te iriiritanga o Īhu,
nā te Atua tonu i kī ko wai a Īhu:
“Ko tāku Tama tēnei i aroha ai,
ko tāku i āhuareka ai.”
He aha te whakapono o āna kaiaru?
I pātai a Īhu ki a rātou ko wai ia,
ka whakahoki a Pita:
“Ko te Karaiti koe,
ko te Tama a te Atua ora.”
I kōrero pēhea ngā hoariri o Īhu?
I kī te hunga i whai ki te whakamate i a ia:
“Ki tō mātou ture he mea tika kia mate ia,
mōna i mea ko te Tama ia a te Atua.”
I kōrero pēhea a Īhu mōna ake,
mō tōna hononga ki te Atua?
I kī ia ki āna kaiaru:
“He nui ake hoki tōku Matua i ahau.”
I muri i tōna matenga me
tōna whakaaranga, i mea a Īhu:
“Ka kake ahau ki tōku Matua,
ki tō koutou Matua,
ki tōku Atua,
ki tō koutou Atua.”
Kei te mārama ngā kōrero
o te Paipera,
he tangata tonu a Īhu,
wehe kē i te Atua Kaha Rawa.
Otirā, e whakaako ana te Paipera,
ahakoa he wairua kaha a Īhu i te rangi,
kei raro tonu ia i tōna Atua, i tōna Matua.
Heoi, he mahi tino nui tā
te Atua mō tāna Tama,
kia whakawhiwhi i te ora tonu,
me te harinui, ki te tangata,
tā te Atua i hiahia ai i te tīmatanga.
He aha anō ētahi kōrero
o te Paipera mō Īhu?
I tino mahi merekara anō a Īhu?
He aha te take i mate ai a Īhu?
Ka hoki mai rānei a Īhu?
Kia ako i ētahi atu mea,
rapua ēnei kaupapa i jw.org®.
Whakakīia rānei te tono tuihono
kia haere atu he Kaiwhakaatu ki a koe
i te wā me te wāhi e pai ai koe.

Ko Īhu Karaiti Rānei te Atua?