JW subtitle extractor

Nō ngā rā o nehe,
kua hiahia te tangata
ki te whakatata atu ki te Atua.
He hiahia pai tēnei.
E kī ana te Paipera mehemea tātou
ka “rapu ai . . . i te Atua”
ka “kite i a ia” ka taea hoki
te “whakatata atu” ki a ia.
Engari he wairua te Atua.
Me pēhea e whakatata atu ki te Atua
e kore nei e kitea?
Kei te pai rānei
te whakatata atu ki te Atua
mā te karakia ki ngā mea
nā te tangata i hanga?
Ka whakamahi whakapakoko
ētahi ki te karakia.
Ko ētahi atu, te tohu karakia,
te pikitia rānei.
Engari, tērā pea
kei te whakatawhititia atu te Atua
e te hunga e whakatata atu
pēnei ana ki a ia?
Whakaarohia te wā
i hanga e Iharaira o nehe
he whakapakoko kūao kau.
Ka whakamahia hei karakia ki te Atua,
karangatia ana e rātou
“he hākari ki a Ihowā,”
te Atua o te Paipera.
I paingia e te Atua taua momo karakia?
Kāhore.
I mea ia he kino tā rātou mahi.
Whakaarohia tēnei:
kāore rātou i whakatata atu ki te Atua,
kua tawhiti kē atu rātou i a ia.
Otirā, i tirohia ngā kīngi o nehe hei atua,
ka hanga whakapakoko o rātou ake anō.
Engari, i mea kē te
“Kīngi nui i ngā atua katoa”
—a Ihowā Atua—
kia kaua tōna iwi e hanga,
e whakamahi whakapakoko
rānei ki te karakia.
I mea ia:
“Kei hanga koe i te whakapakoko mōu . . .
“Kei koropiko koe ki ēnā mea . . .
ko . . . ahau, ko tōu Atua, he Atua hae.”
Ētahi rautau i muri mai,
i pā taua ture ki ngā kaiaru a Īhu.
I tuhi a Hoani Āpōtoro
ki ngā Karaitiana tuatahi:
“Kia tūpato koutou ki ngā whakapakoko.”
Kua kī te Atua he aha ai:
“E kore anō e tukua e ahau
tōku korōria ki tētahi atu,
tōku whakamoemiti ki te whakapakoko.”
E hiahia ana ia kia whakatata atu,
kia īnoi tika tonu atu tātou ki a ia,
kaua mā te whakapakoko.
Kei te tino hē rānei te whakamahi
whakapakoko hei āwhina ki te karakia?
Me pēhea tātou e whakatata atu
ki te Atua, ki te kore nei ia e kitea?
Kia ako i ētahi atu mea,
rapua ēnei kaupapa i jw.org.
Whakakiia rānei te tono tuihono
kia haere atu he Kaiwhakaatu ki a koe
i te wā me te wāhi e pai ai koe.

He Pai Rānei ki te Atua te Whakamahi Whakapakoko i roto i te Karakia?