JW subtitle extractor

არსებობს ჯოჯოხეთი?

Video Other languages Share text Share link Show times

მრავალი რელიგია ასწავლის,
რომ ცოდვილი ადამიანები
სიკვდილის შემდეგ ჯოჯოხეთში მიდიან.
სასულიერო პირები იმედოვნებენ, რომ
ტანჯვის შიშით ადამიანები
სიცოცხლეში ბოროტებას აღარ ჩაიდენენ.
მართლა უშვებს ღმერთი ადამიანთა ტანჯვას
სიკვდილის შემდეგ?
ბიბლიიდან ვიგებთ, რომ მკვდრები ვერაფერს გრძნობენ
და მათ არაფერი იციან.
თუ ვერაფერს გრძნობენ, ესე იგი, არც იტანჯებიან.
მაგრამ ნიშნავს ეს,
რომ ღმერთი დაუსჯელს ტოვებს ბოროტ ადამიანებს?
ცხადია, არა.
მაგალითად, ღმერთმა გააფრთხილა ადამი და ევა,
თუ რა სასჯელს დაიტეხდნენ ურჩობის შემთხვევაში.
მაშინ, როცა ღმერთმა მათ ეს გაფრთხილება მისცა,
არც ჯოჯოხეთი უხსენებია და არც მარადიული სატანჯველი.
მან ადამს და ევას უბრალოდ უთხრა,
რომ მოვკვდებოდნენ.
ეს ასეც მოხდა.
ედემის ბაღიდან გაძევებულნი
ისინი საბოლოოდ მოვკვდნენ და მტვრად იქცნენ.
ბიბლიიდან ვიგებთ, რომ სიკვდილის შემდეგ ადამიანს
წარსული ცოდვები აღარ მოეკითხება.
„ვინც მოკვდა, ცოდვისგან გათავისუფლდა“.
თუმცა სხვა მიზეზიც არსებობს,
რის გამოც ყოვლად წარმოუდგენელია,
რომ ჯოჯოხეთი არსებობდეს.
ბიბლიაში ვკითხულობთ, რომ ღმერთი სიყვარულია.
როგორ ფიქრობთ,
გაიმეტებდა ღმერთი ცოდვილებს
მარადიული, უსასრულო ტანჯვისთვის?
დაფიქრდით, ბიბლიურ დროში
ზოგი ბავშვებს ცრუ ღმერთებს სწირავდა.
მაგრამ ღმერთი ამ ჩვეულებას სასტიკად გმობდა.
მან თქვა, რომ ასეთი სისასტიკე გულშიც კი არ გაუვლია.
იმაზე ფიქრი,
რომ ასეთი საშინელი ტრადიცია არსებობდა,
ჩვენც გვზარავს, რადგან მოსიყვარულე და გულმოწყალე
ღმერთის მსგავსად ვართ შექმნილი.
აშკარაა, არანაირი მიზეზი არ გვაქვს ვწუხდეთ იმაზე,
რომ ჩვენთვის ძვირფასი ადამიანები
შეიძლება სადმე იტანჯებოდნენ.
ბიბლიიდან ვხედავთ, რომ მათ არაფერი აწუხებთ.
თუმცა ჩნდება კითხვები,
რატომ კვდებიან კარგი ადამიანები?
რა ელით მათ სიკვდილის შემდეგ?
რა იმედი არსებობს გარდაცვლილთათვის?
ამ კითხვებზე პასუხების მისაღებად ეწვიეთ ვებგვერდს jw.org
ან შეავსეთ ელექტრონული ანკეტა,
რათა რომელიმე იეჰოვას მოწმემ მოგაკითხოთ
თქვენთვის სასურველ დროსა და ადგილას.