JW subtitle extractor

Plante jos oli tijim se God i stap panisim ol rabis
man long helfaea.
Oli mekem olsem blong ol man oli fraet blong
mekem ol rabis fasin.
?Be i tru se God i stap panisim ol man afta we
oli ded?
Baebol i se ol dedman oli no gat filing.
Hem i talem se: “Ol dedman oli no moa save
wan samting.”
Sipos dedman i no gat filing hem i no save safa.
?Hemia i min se God i neva panisim ol rabis
man?
Si.
God i eksplenem panis we tufala faswan kapol
bae i kasem sipos tufala i no obei.
God i no tokbaot safa o helfaea.
Hem i talem nomo se: “Bambae yu ded.”
Samting ya i hapen long Adam mo Iv
afta we God i ronemaot tufala long garen blong
Iden.
Tufala i ded mo tufala i kam das.
Baebol i talem se afta we wan man i ded,
hem i no moa save kasem panis from ol mastik
we hem i mekem.
From we “taem man i ded, hem i fri long olgeta
sin blong hem.”
Be i gat wan risen we i gud moa, blong soemaot
se i no gat helfaea.
Baebol i talem se: “God hem i lav.”
Yu ting se God blong lav,
?I save bonem ol sinman long faea, i no blong
sam minit nomo be blong olwe?
Tingbaot samting ya.
Long taem blong Baebol,
God i agensem fasin ya blong bonem ol pikinini
olsem sakrefaes i go long ol giaman God.
Hem i talem se rabis fasin olsem i neva kam
long hat blong hem.
Yumi no laekem fasin ya tu.
From we God ya we i gat lav mo sore,
i wokem yumi blong tekem fasin blong hem.
Taswe yumi no nid blong wari long ol famle mo
ol fren we oli ded se,
oli kasem panis mo stap safa samples.
Baebol i talem se oli stap long pis mo oli spel.
?Be from wanem ol gudfala man oli ded?
?Wanem i hapen long olgeta afta we oli ded?
?Wanem hop i stap blong ol famle mo fren we
oli ded finis?
Blong save moa
go long jw.org mo lukaotem ol topik ya.
O fulumap wan fom long intenet
blong wan Witnes blong Jehova i kontaktem yu.

?I Tru Se Hel i Ples Blong Safa?