JW subtitle extractor

Maro fivavahan̈a mampianatra fa
izikoa olo ratsy fan̈ahy maty,
saziny Zan̈ahary mandrakizay
an̈aty motrobe zen̈y.
Iro mihevitry fa
fahavozoan̈a motrobe io misakan̈a iro
tsy han̈ano raha ratsy.
Marin̈y ma Zan̈ahary man̈asazy
olo maty amy motrobe zen̈y?
Baiboly man̈amia toky atsika fa
Olo maty efa tsy mahatsiaro eky,
ke iro tsy mijaly.
Ke zen̈y ma mivolan̈a fa
hibanjainy Zan̈ahary fo olo
ratsy fan̈ahy aby io?
Ehe!
Nazavainy Jehovah tamindro
olo fivadiany voanalohany,
ino sazy ho azondro iro koa
tsy man̈araka volan̈anany?
Fa Zan̈ahary tsy nivolan̈a iro
hiroany amy motrobe zen̈y.
Tsotra fo raha nambarany iro,
Zen̈y ankitin̈y nahazo Adama ndreky Eva,
iro koa fa niroasiny Zan̈ahary
niala tamy zaridainy Edena tao.
Iro naty ke nanjary fotaka.
Koran̈iny Baiboly fa olo koa fa maty,
efa tsy harehany Zan̈ahary
aminy hadisovan̈a vitany eky.
Fa misy antony maventy koa
mahavy atsika matoky fa
motrobe zen̈y tsiary nisy foeky.
Baiboly mivolan̈a fa
Izio ma Zan̈ahary be fitiavan̈a io,
man̈iraka olo hisazian̈a amy motrobe,
izy amy zen̈y tsy betibetiky fo fa mandrakizay?
Diniha baka ty,
taminandrany Baiboly tan̈y,
tsy tiany Zan̈ahary olo man̈oro zanakandro,
natao soron̈o tamindro Zan̈ahary tsy izy aby io.
Izy nivolan̈a fa
‘raha ratsy karaha zen̈y tsiary
navy tan̈aty jerinany foeky!’
Ndray atsika mba tsy tia
raha karaha zen̈y,
fotony atsika be fitiavan̈a
ndreky mamindra fo
karaha Zan̈ahary koa.
Milamin̈y jerintsika mahay fa
iro havantsika naty aby in̈y,
tsy saziany Zan̈ahary antany hafa an̈y,
ke iro tsy mijaly zen̈y.
Koran̈iny Baiboly fa
iro in̈y mira olo nangala kajo in̈y.
Izikoa tianao ho hay valiny zen̈y,
mandihan̈a amy jw.org,
na finoa fangatahan̈a amy internet,
baka ho hisy Vavolombelon̈o
Jehovah hitsidiky anao.

Motrobe Zen̈y ma Tany Fampijalian̈a Olo?