JW subtitle extractor

Na shikiipüʼükana tü iküleesiakalüirua,
ekirajüshii sünain müliain wayuu
nutuma Maleiwa saʼaka siki.
Mmorüle na wayuukana neema Maleiwa,
nnojoleena naya aainjaain kasa mojusü.
¿Shiimainche müliain na wayuukana
nutuma Maleiwa outapa naya?
Saashin tü Bibliakat:
Nnojorüle kasain natüjaain aaʼu na outushiikana,
nnojoishijaʼa naya müliain.
Tia nnojotsü maluʼuluin
masalajanain nutuma Maleiwa
naainjala na wayuu mojulaashiikana.
Nüküjain Maleiwa nümüin Adán sümaa Eva
tü alatüinjatkat namüin
nnojoliire noonooin sümaa nünüiki.
Nnojotsü nüküjain Maleiwa
müliainjanain naya saʼaka siki,
tü nümakat shia
shiimainshaanain outajanain naya.
Shiaʼaya alataka namüin tia.
Shiasaʼa mapa, nujutunapa
suluʼujee tü apainkat Edén,
outushii naya,
mmaka naya nachikuaʼa.
Süküjain tü Bibliakat nnojolin kasalajanain
naainjala wanee wayuu süchikijee outuin nia,
süka jamüin, nuwalaajüitpain tü naainjalakat.
Eesü waneʼeya kasa
wayaawataka anainjee
nnojolin müliain wayuu
nutuma Maleiwa saʼaka siki,
süka süküjain tü Bibliakat:
Süka müin nukuwaʼipa Maleiwa,
nnojorüleejaʼa süpüla müliainjatüin
wayuu nutuma saʼaka siki.
Jülüjataa paaʼin tüü,
paala sümaiwa
nülerajashaatain Maleiwa naʼajüinjanain
na wayuukana nachonnii
süpüla naʼwaajüin
tü maleiwayaasükat.
«Nnojotsü taluwataain tia
süka talerajashaatain
maʼin shia», müshi Jehová.
Aipüralii maʼin na wayuukana
süka müin nakuwaʼipa
maʼaka naaʼin Maleiwa.
Müshiijeseʼe walerajashaatain maʼin
müleka naʼajünüle wanee wayuu.
Nnojoluinjatü shapaain waaʼin
naaʼu na wapüshi outuinnapakana
süka watüjaain saaʼu nnojoluin
müliain naya saaʼu naainjala.
Süküjain tü Bibliakat nnojoluin niʼrüin
nümüliala wanee wayuu outapa nia.
Pütüjaweerü sooʼomüin
pünaʼla suluʼu jw.org
otta pipiraja tü yalakat yala.
Nikirajeechi pia wanee Aküjai pütchi
soʼu tü oora anakat saaʼin pümüin
otta eere anain saaʼin pümüin.

¿Shiimainchejeʼe müliain wayuu nutuma Maleiwa saʼaka siki?