JW subtitle extractor

Ol disasta oli save jenisim
laef blong yumi fulwan.
Oli save tekemaot evri samting we yumi gat,
iven ol famle blong yumi.
Long taem olsem,
plante man i ting se God nao
i stap mekem ol disasta ya,
maet blong panisim ol man.
God i krieta blong unives
mo hem i naf blong kontrolem evri samting.
So taem wan disasta i hapen,
plante man i ting se
hem nao i stap mekem samting ya.
Mifala i stap antap long namba 5 stori,
long rum blong mifala,
taem graon i seksek.
Evri samting i muvmuv,
mo kwiktaem stori haos ya i foldaon.
Hariken ya i spolem evri samting.
Mi fraet we mi fraet.
Taem mi wekap,
mi luksave se mi fas.
Mi no save muv.
Mi ledaon olsem blong 2 dei
bifo we ol man oli faenem mi.
Taem mi stap long hospital,
ol dokta oli katemaot wan leg blong mi,
from we mi kasem bigfala kil long hem.
Mi stap tingting se,
“Mifala ol gudfala man.
?From wanem God i letem
rabis samting ya i hapen long mifala?”
Mi stap tingting se,
“?Mi mekem wanem
blong God i kros tumas long mi olsem?”
?I tru se God i stap mekem ol disasta?
?Baebol i talem wanem?
Long Fas Jon 4:8,
Baebol i tokbaot nambawan fasin blong God.
Hemia lav.
Hem i talem se,
“God hem i lav.”
Hem i wantem se yumi hapi,
enjoem ol naes samting we hem i wokem,
mo blong neja i givhan long yumi.
I nogat wan vas we i soemaot se,
long taem blong yumi,
God i stap yusum neja
blong panisim ol gudfala man,
o ol nogud man.
Be yet, ol naturol disasta
oli gohed blong hapen.
Mo i mekem plante man
oli safa mo oli ded,
inkludum ol gudfala man.
From we God i kea long yumi,
mo i no stap mekem ol disasta,
?from wanem i gat ol disasta?
Mi lanem se God i no stap
mekem ol man oli safa.
Be ol samting we i hapen
we man i no tingbaot,
i save spolem eni man,
be i no from we God i kros long yumi.
Wan dei,
wan fren we i lusum
leg blong hem tu long etkwek,
i talem se ol Witnes blong Jehova
oli soem long Baebol,
se wol ya bambae i kam paradaes.
Bambae mifala i gat tufala leg
blong mifala bakegen.
Mifala i save wokbaot, ronron, mo danis.
Hemia i mekem mi sua
se God i lavem yumi,
mo bambae i mekem evri samting i kam naes.
Taem mi ridim Aesea 35:6
we Jehova God i promes se,
“Olgeta we leg blong olgeta i nogud,
bambae oli jamjam olsem dia,”
mi luksave se sipos God i mekem promes ya,
hem i no save spolem ol gudfala man.
Bifo mi gat rong tingting long God.
Be naoia, mi sua se
ol promes blong Jehova oli tru.
Baebol i talem klia se
God i no stap mekem ol naturol disasta.
Be hem i promes se
bambae ol man oli no moa harem nogud
mo safa.
‘!Yu luk!
Tent blong God i stap wetem ol man,
mo hem bambae i stap wetem olgeta,
mo bambae oli kam ol man blong hem.
Mo hem bambae i ravemaot
wota blong ae blong olgeta,
mo bambae i no moa gat man i ded,
mo man i no moa sore,
mo i no moa gat man i krae,
mo harem nogud long bodi blong hem.
Ol samting ya blong bifo oli lus olgeta.’
Ol samting ya blong bifo,
we bae oli lus olgeta,
i minim ol disasta tu.
Be sipos God hem i lav,
?From wanem hem i letem man i safa?
?Hem i harem olsem wanem taem yu safa?
?Bambae ol man oli safa
gogo kasem wetaem?
Blong save moa long samting
we Baebol i talem long saed ya,
mo long ol narafala topik,
go long jw.org

?God Nao i Stap Mekem Ol Disasta?