JW subtitle extractor

Naab’aleb’ neke’xk’oxla naq maak’a’ xyaalal li xpaab’al
li neke’xpaab’ li Yos.
Neke’xye naq ka’ajwi’ neke’xpaab’ li neke’ril.
Li Yos ink’a’ na’ilmank ru.
Li neke’ril rajlal a’an li rahilal.
Neke’xk’oxla:
«Wi wank li Yos,
k’a’ut neke’xk’ul li rahilal li chaab’ileb’ xna’leb’?».
Wi wank ani naxpaab’ li Yos,
ma naraj xyeeb’al a’in naq maak’a’ xna’leb’
ut naxpaab’ li nayehe’k re?
Li Santil Hu naxye sa’ Hebreos 11:1:
«Li paab’al a’an xkawub’ li ink’a’ na’ilmank ru».
Li eetalil li naxk’utb’esi naq wank li Yos wankeb’ yalaq b’ar.
Junaqeb’ na’ilmank
ut junaqeb’ ink’a’.
Jun eetalil, li xtiqwal li saq’e
moko us ta cho’q reheb’ li kristi’aan,
ab’an, kolb’ilo chiru.
Chanru?
Li Ruuchich’och’ sutsu rik’in jun li choql li naxk’ab’a’i ozono.
Nak’anjelak jo’ jun ramleb’ re naq ink’a’ tooxtoch’ li xtiqwal li saq’e
ut naq nanimank, nanimank ajwi’ li choql.
Wank xyaalal xk’oxlankil:
Ma wank ani kiyob’tesink re
chixjunil li wank sa’ li Ruuchich’och’?
Li Santil Hu naxye sa’ Hebreos 3:4:
«Xb’aan naq li jun junq chi kab’l
wank ani aj kib’aahom re,
a’ut li kab’lanel re li ruuchich’och’
a’an li Yos».
Wi yalaq k’aru
na’ajmank naq wank ani xyiib’ank re,
ma toja’ ta chik li Ruuchich’och’
naq a’an ch’a’aj xyiib’ankil?
Ab’an, maare naqak’oxla...
Wi yaal naq wank jun laj yob’tesinel,
chan put ru naq wank naab’al li rahilal?
Wi nakaawil junaq li q’eel ochoch,
ma taak’oxla raj naq wank chi jo’kan
xb’aan naq maa’ani kiyiib’ank re?
Malaj, wank junaq chik xyaalal?
Jo’kan naq,
k’a’ut tqak’oxla naq sa’ xk’ab’a’ naq wank li rahilal
maak’a’ li Yos?
Pe’yaal naq us raj naq tqatz’il rix
k’a’ut naq naqak’ul li rahilal?
Wi nakaawaj xnawb’al li naxye li Santil Hu
chirix li na’leb’ a’in,
sik’ sa’ li qana’aj jw.org.

Ma wank li Yos?