JW subtitle extractor

Kọ Ọghẹnẹ Ọ Ginẹ Rrọ?

Video Other languages Share text Share link Show times

Ahwo buobu a bi roro nọ
u wo imuẹro ọvuọvo nọ
o rẹ lẹliẹ ae rọwo nọ Ọghẹnẹ ọ rrọ họ.
A rẹ ta nọ oware nọ
a be ruẹ ọvo a rẹ rọwo.
Yọ oware nọ a be mae ruẹ họ
uye nọ ahwo-akpọ a be ruẹ.
A sae ruẹ Ọghẹnẹ hẹ.
A rẹ nọ nọ, ‘Otẹrọnọ Ọghẹnẹ ọ rrọ,
fikieme eware iyoma
e be rọ via kẹ emamọ ahwo?’
Kọ ohwo nọ ọ rọwo Ọghẹnẹ
yọ ohwo nọ o wo areghẹ hẹ? Ijo!
Evaọ obe Ahwo Hibru 11:1,
Ebaibol na ọ ta nọ:
“Ẹrọwọ họ . . . imuẹro ivevẹ
inọ eware nọ a rẹ ruẹ hẹ e ginẹ rrọ.”
Eware nọ e kẹ “imuẹro ivevẹ”
nọ Ọghẹnẹ ọ rrọ e wariẹ omai họ.
Ma sae ruẹ ejọ,
rekọ ma sae ruẹ ejọ họ.
Wọhọ oriruo,
erri ọgaga ọ bi no ọre na ze ẹsikpobi,
yọ eware enwoma e be hai lele iei.
Rekọ eme e gbẹ be nwa omai oma ha?
U wo oware jọ nọ
u ruru akpọ na nọ o be thọe,
nọ o rẹ yẹyẹ ikpeware eware na buobu no
re ehri na o te ti te omai oma.
Epanọ ehri na ọ ga te,
ere oware na u re ruiruo te re.
U fo re ma nọ nọ:
Kọ ogbẹrọnọ ohwo jọ nọ o wo areghẹ gaga
ọye o ru akpọ na fihọ epanọ ọ rrọ na
gbe eware kpobi nọ ma be ruẹ na?
Evaọ Ahwo Hibru 3:4, Ebaibol na ọ ta nọ:
“Uwou kpobi
u wo ohwo nọ ọ bọ riẹ,
rekọ ọnọ ọ ma eware kpobi họ Ọghẹnẹ.”
Nọ uwou o te rrọ oria jọ,
kiyọ ohwo jọ ọ bọ riẹ.
Manikọ ere he?
Kọ ogbẹrọnọ ere ọvona
o rrọ kpahe otọakpọ igbunu mai na?
O tẹ make rọnọ whẹ rọwo nọ ohwo jọ
ọye ọ ma eware no,
ẹsejọhọ who gbe bi roro nọ,
‘Fikieme ma be rọ ruẹ uye?’
Nọ whọ tẹ ruẹ uwou nọ o raha kuotọ,
kọ whọ te ta nọ ohwo ọvo ọ bọ riẹ hẹ?
Manikọ ẹme ọfa nọ
o woma vrẹ ere whọ te ta?
Kọ fikieme whọ rẹ rọ vro nọ
Ọghẹnẹ ọ rrọ họ fiki uye nọ ahwo a be ruẹ?
Ukpenọ whọ rẹ vro
daoma gwọlọ uyo kẹ enọ nọ who wo.
Re who gbe wuhrẹ kpahe
oware nọ Ebaibol na ọ ta kpahe onana
gbe izoẹme efa, kpohọ jw.org.